PM:10:26:06/11/2024
588 جار خوێندراوەتەوە
+
-
مانچستەر یونایتد دەیەوێت گرێبەست لەگەڵ گیۆکێرێس لەیانەی سپۆرتینگ ئەنجام بدات لەهاوینی داهاتوودا.
زەسەنی بەریتانی بڵاویکردووەتەوە بەرپرسانی یانەی مانچستەر یونایتد دەیانەوێت هێرشبەرێک بگوازنەوە بەتەواوی چارەسەری کێشەی هێڵی پێشەوەی یانەکەیان بکات، لەسەرداوی رۆبن ئەمرۆیمی راهێنەری نوێ ڤیکتۆر گیوکێرسیان دیاریکردووە، بۆئەوەی لە هاوینی داهاتوودا گرێبەستی پێشکەش بکەن.
سەرچاوەکە ئەوەی ئاشکراکردووە بەرپرسانی یانە پورتوگالییەکە بەئاسانی دەستبەرداری یاریزانەکەیان نابن چونکە ئاستێکی زۆر بەرز پێشکەش دەکات، هۆکاری سەرەکی بەرزبوونەوەی ئاستی یانەکە.
هێرشبەرە سویدییەکە گرێبەستەکەی لەگەڵ سپۆرتینگ تاوەکوو حوزەیرانی ساڵی 2028 بەردەوام دەبێت بەبێ گەرانەوە بۆ یانەکەی یاریزانەکە ناتوانێت گفتوگۆ لەگەڵ هیچ یانەیەکدا ئەنجام بدات.
ڤیکتۆر گیوکێرێس لەگەڵ یانە پورتوگالییەکە دەدروشێتەوە و بەئاستە بەرزەکەی سەرنجی سەرجەم یانەکانی بۆخۆی راکێشاوە تەنانەت رۆژنامەکانی ئیسپانیا باسی گرنگیپێدانی ئەم یاریزانەیان کردووە لەلایەن بەرشەلۆنەی ئیسپانییەوە.
ئەستێرە سویدییەکە لەگەڵ سپۆرتینگ بەشداری 67 یاری کردووە و لەو ماوەیەدا توانیوێتی 66 گۆڵ و 19 ئەسیست تۆماربکات، ئاستێکی زۆرباش پێشکەش بکات.