PM:04:35:22/10/2024
268 جار خوێندراوەتەوە
+
-
یارییەکانی قۆناغی
یەکەمی ئەم وەرزەی چامپیۆنز لیگ بەردەوامی هەیە و چوارشەممە نۆ یاریتر لەو قۆناغە
بەڕێوەدەچن.
لە بەهێزترین
یاریدا و لە کاتژمێر 10، یانەی بەرشەلۆنەی ئیسپانی لە یاریگای خۆیدا میوانداری
یانەی بایرن میونشنی ئەڵمانی دەکات و هاندەران چاوەڕێی یاریەکی نایاب دەکەن لە
نێوان هەردوو یانەکەدا.
بەرشەلۆنە
و بایرن میونشن لە مێژوویاندا 13 جار لە چامپیۆنز لیگدا رووبەڕووی یەکبونەتەوە، یانە
کەتەلۆنیەکە لە دوو یاریدا براوە بووە و 13 گۆڵی تۆمارکردووە، یانە باڤاریەکەش 10
بردنەوەی هەبووە و 33 گۆڵی کردووە، لە یەک یاریشدا یەکسانبوون.
یەکێک لە
رووبەڕووبونەوە مێژووییەکانی نێوان ئەو دوو یانەیە لە قۆناغی چارەکی کۆتایی وەرزی
2019 بۆ 2020دا بووە کە بایرن میونشن بە ئەنجامێکی گەورە و بە هەشت گۆڵ بەرامبەر
دوو گۆڵ بردنەوەی بەسەر بەرشەلۆنەدا بەدەستهێنابوو.
لە یاریەکی تریشدا،
یانەی مانچستەر سیتی ئینگلیزی لە یاریگای خۆیدا رووبەڕووی یانەی سپارتاگ پراگی
چیکی دەبێتەوە و ئامانجی ئەوەیە دووەم بردنەوە لەم وەرزەی خولەکەدا بەدەستبهێنێت.
مانچستەر
سیتی لەم وەرزەی چامپیۆنز لیگدا دوو یاری ئەنجامداوە، یەک بردنەوە و یەکسانبونێکی
هەیە و خاوەنی چوار خاڵە، چوار گۆڵی تۆمارکردووە و هیچ گۆڵێکی لێنەکراوە.
یانەی لیڤەرپوڵی
ئینگلیزیش لە دەرەوەی یاریگای خۆیدا دەبێتە میوانی یانەی لایپزیگی ئەڵمانی و
ئامانجی ئەوەیە سێیەم بردنەوەی بەدوای یەک بەدەستبهێنێت.
لیڤەرپوڵ
لەم وەرزەدا 11 یاری لەسەرجەم پاڵەوانێتییەکان ئەنجامداوە، لە 10 یاریدا بردنەوەی
بەدەستهێناوە و لە یەک یاریشدا تووشی شکستبووە، 25 گۆڵی تۆمارکردووە و تەنها پێنج
گۆڵی لێکراوە.
لە هەمان شەودا
چەند یاریەکیتر بەڕێوەدەچن، یانەی ئینتەر میلانی ئیتاڵی لەپێناو دووەم بردنەوە
رووبەڕووی یۆنگ بۆیز دەبێتەوە، بایەر لیڤەرکوزن بەرامبەر برێست یاریدەکات و
ئەتلەتیکۆ مەدرید میوانداری لیلی فەرەنسی دەکات.
خ . ک