PM:05:00:13/03/2025
60 جار خوێندراوەتەوە
+
-
بایرن گرێبەستی کیمیچی
تا هاوینی 2029 نوێکردەوە و بەرشەلۆنە و ریاڵ مەدریدی بێ هیوا کرد.
یانەی بایرن میونشنی
ئەڵمانی لە پێگەی فەرمی خۆی رایگەیاند، گرێبەستی جۆشوا کیمیچی ئەستێرەی یانەکەیان
تا هاوینی 2029 نوێکردووەتەوە و دڵخۆشن بە بەردەوامبوون لەگەڵیدا.
بایرن دووپاتیشیکردەوە،
خۆشحاڵن بە نوێکردنەوە گرێبەستی کاپتنەکەی ئەڵمانیا، بەو پێیەی یاریزانێکە هەمیشە
دەجەنگێت لە پێناو باڤاری و هەمیشە برسی نازناوەکانە، لە قۆناغی 16ـی چامپیۆنز
لیگیش ئەوەی سەلماندەوە.
کیمیچ دوای درێژکردنەوەی
گرێبەستەکەی وتی: لە یانەی بایرن باشترین ژینگەم هەیە بۆ گەیشتن بە
ئامانجە وەرزشییەکانم،بڕیارەکەم لەسەر ئەو بنەمایە بوو، بۆ من لە ئێستادا هیچ پاکێجێکی
باشتر لە هاوڕێکانی تیم و ستافی ڕاهێنەرایەتی و ژینگەی یانەکە نییە بۆ ئەوەی زۆرترین سەرکەوتن
بەدەست بهێنم.
ئەستیرە تەمەن 30 ساڵەکە
لەگەڵ بایرن 429 یاریی ئەنجامداوە و خاوەنی 43 گۆڵ و 115 ئەسیستە، هەروەها ئامانجی
سەرەکی بەرشەلۆنە و ریاڵ مەدرید بوو بەڵام دوای نوێکردنەوەی گرێبەستەکەی بێ هیوای
کردن.
بیلال کاکە