PM:11:56:14/10/2024
232 جار خوێندراوەتەوە
+
-
لە نەیشنز لیگ هەڵبژاردەی ئەڵمانیا بە گۆڵێکی
بێوەڵام شکستی بە هۆڵەندا هێنا و هەنگاریاش لە بۆسنەی بردەوە.
لە قۆناغی کۆمەڵەکانی نەیشنز لیگ، هەڵبژاردەی
ئەڵمانیا میوانداری هۆلەندای کرد.
لە تایمی یەکەم کوڕانی مانشافت بەتەواوی کۆنترۆڵی
یاریگایان کرد و چەندین تۆپیان ئاڕاستەی هۆڵەندییەکان کرد، وە کوڕانی میوانیش تەنیا
بەرگریان دەکرد و هیچ تۆپێکیان ئاڕاستەی گۆڵی خاوەن یاریگا نەکرد، بەڵام بەو جۆرەش
ئەو تایمە هیچ گۆڵێکی تێدا نەبینرا.
لە تایمی دووەم، یارییەکە تا رادەیەک ئاستێکی
مامناوەندی پێوەبینرا، بەڵام کوڕانی ئەڵمانیا توانیان لەو تایمەدا تۆڕی گۆڵی هۆڵەندا
بهەژێنن لە خولەکی 64 لە رێگای جەیمی لێفیڵینگەوە، یارییەکەش تا کۆتایی بەو
ئەنجامە مایەوە و ئەڵمانییەکان براوەبوون.
لە یارییەکی تردا، هەڵبژاردەی هەنگاریا بە
دوو گۆڵی سۆبۆسلای شکستی بە بۆسنە هێنا.
بەو ئەنجامانەش، خاڵەکانی ئەڵمانیا بوو بە 10
خاڵ و لە پلەی یەکەمی گرووپی سێیەم دێت، هۆڵەنداش بە پێنج خاڵ بە جیاوازی گۆڵ پلەی
دووەمی لە هەنگاریا گرتووە کە خاوەنی پێنج خاڵە ئەویش.