PM:11:27:13/10/2024
464 جار خوێندراوەتەوە
+
-
کلۆپ موچەی ساڵانە 10 بۆ 12 ملیۆن یۆرۆ لە ئەرکە تازەکەی
وەردەگرێت و بڕگەی ئازادکردن لە گرێبەستەکەیدا نییە.
یۆرگن کلۆپی تەمەن 57 ساڵ لە کۆتایی وەرزی 2023 بۆ2024 ئەرکی
ڕاهێنەرایەتی لیڤەرپوولی بەجێهێشت، دوای ئەوەی کاروانەکەی لەگەڵیاندا نزیکەی نۆ ساڵی
خایاند.
چەند ڕۆژێک لەمەوبەر کۆمپانیای ڕێد بوڵ دەستنیشانکردنی
کلۆپی وەک بەڕێوەبەری وەرزشی سەرجەم یانەکانی سەر بە گروپی ڕێد بوڵ و لایپزیگ
و سالزبۆرگ و نیویۆرک ڕێد بوڵی ڕاگەیاند.
لە نوێترین پێشهاتتدا سکای سپۆرتی ئەڵمانی ئاشکرایکردووە،
موچەی وەرزێکی کلۆپ لە ئەرکە تازەکەیدا لە نێوان 10 بۆ 12 ملیۆن یۆرۆیە کە لە سەرەتای
مانگی یەکی ساڵی داهاتووەوە دەستپێدەکات.
ئاماژەی بەوەشکرد، ئەم مووچەیە کەمترە لەوەی کە کلۆپ وەک
راهێنەری لیڤەرپوول وەریدەگرت، بەو پێیەی لەگەڵ رێدز ساڵانە 18 ملیۆن یۆرۆی
دەستەکەوت.
جیا لەوەش سکای دوپاتیکردووەتەوە، بڕگەی ئازادکردن لە
گرێبەستی کلۆپدا نییە و ئەگەر بیرۆکەکەی بگۆڕێت دەتوانێت بڕوات، هەروەها لە
هەرکاتێکدا رێدبول دەبێت رێگەی پێبدات ئەگەر بیەوێت ببێت بە راهێنەری ئەڵمانیا.
بیلال کاکە