AM:09:33:24/06/2024
352 جار خوێندراوەتەوە
+
-
یەکێتی تۆپی پێی ئەوروپا سەبارەت بە چوونە ناوەوەی هاندەران بۆ نێو یاریگا
راگەیەندراوێکی بڵاوکردەوە.
دوای ڕووداوە سەیرەکانی یارییەکەی نێوان تورکیا و پورتوگال لە هەفتەی دووەمی
قۆناغی کۆمەڵەکانی یۆرۆی 2024، یەکێتی تۆپی پێی ئەوروپا بەنیازە ڕێوشوێنە ئەمنییەکانی
یاریگاکان زیاتر بکات.
لە یاری نێوان تورکیا و پورتوگالدا نزیکەی شەش هاندەر هەوڵیاندا سێڵفی لەگەڵ
کریستیانۆ ڕۆناڵدۆ بگرن بە چوونە ناو یاریگا، ئەمەش سوپەرستارەکەی پورتوگالی توڕە و
وایکرد ئارامی لێببڕێت.
لەو بارەیەشەوە یەکێتی تۆپی پێی ئەوروپا لە راگەیەندراوێکی فەرمیدا ئاماژەی
بەوەدا: لە یارییەکانی داهاتووی یۆرۆی 2024دا ڕێوشوێنی ئەمنی زیاتر لە یاریگاکانی
ئەڵمانیا دەگیرێتەبەر، هەر چوونە ژوورەوەیەک بۆ ناو یاریگا و پێشێلکردنی یاساکان دەبێتە
هۆی دەرکردنی ئەو کەسە لە یاریگاکە و قەدەغەکردنی چوونە ناو یاریگا بۆ ماوەیەکی زۆر،
هەروەها تۆمارکردنی دۆسیە بە تۆمەتی زیانگەیاندن بە موڵکی گشتی.
دوای یارییەکەی نێوان تورکیا و پورتوگال، خەڵکێکی زۆر ڕەخنەیان لە بەرپرسانی
تۆپی پێی ئەوروپا و ئەڵمانی گرت بەهۆی خراپی ئاسایشی یاریگەکانەوە، تەنانەت یەکێتی
تۆپی پێی پورتوگالیش داوای ئاسایشی زیاتری کرد ئەمەش دواجار وایکرد یوفا کاردانەوەی
هەبێت و بەڵێنی باشترکردنی لایەنی ئەمنی بدات.