بارودۆخی بەرشەلۆنە بەمجۆرەیە دەبێت خۆتان ڕابهێنن

AM:10:06:21/09/2021

3492 جار خوێندراوەتەوە

+ -

کۆمان دوپایتکردەوە یانەکەی خاوەن پێکهاتەیەکی زۆر جیاوازترە لەوەی لە ساڵەکانی ڕابردوودا خاوەنی بوو.

ڕۆناڵد کۆمانی هۆڵەندی ڕاهێنەری یانەی بەرشەلۆنەی ئیسپانی لە لێدوانێکی دەربارەی یاریەکەیان بەرامبەر گرانادا کە بەیەکسانبوون کۆتایهات وتی: ئەگەر سەیری پێکهاتەی ئێستای یانەکەمان بکەن ئەوا دەزانن کە هەموو هەوڵێکی خۆمانداوە بۆ سەرکەوتن.

هەروەها وتیشی: ئێمە خاوەنی ئەو یاریزانانە نین کە لە سەردەمی تیکی تیکادا لە بەرشەلۆنە بوون بۆیە پێویستە بەشێوازی خۆمان یاریبکەین و پێموایە ئاستێکی باشمان پێشکەش کرد و ئەگەر کاتی زیاترمان هەبوایە سەرکەوتنمان بەدەستدەهێنا.

کۆمان ئاماژەی بەوەشکرد کە سەرەتا بەشێوازی 4 3 3 یاری کردووە بەڵام دواتر ناچار بوو گۆڕانکاری بکات بەگوێرەی ئەو یاریزانانەی لەسەر کورسی یەدەگ بوون.

لەکۆتایشدا وتی: ئەمە ئەو بەرشەلۆنەیە نیە کە پێش هەشت ساڵ دەتانبینی، بارودۆخەکە ئێستا وایە و دەبێت خۆمان لەسەری ڕابهێنین.