PM:07:01:09/06/2022
612 جار خوێندراوەتەوە
+
-
لە خولى نایابى عێراق، نەورۆز بە گۆڵێکى بێ بەرامبەر لە تەڵەبەى بردەوە و
زاخۆ و سناعەش یەکسانبوون.
لە دوایین یارییەکانى هەفتەى 35ى خولى نایابى تۆپى پێى عێراق، یانەى نەورۆز
لە یاریگاى خۆیدا، میواندارى یانەى تەڵەبەى کرد.
نەورۆزى خاوەن یاریگا و هاندەر بە گۆڵێکى بێ بەرامبەر یارییەکەى لە سودى
خۆى کۆتایى پێهێنا و تاکە گۆڵەکەش ئاسۆ ڕۆستەم لە خولەکى 55دا بە لێدانى سزا تۆماریکرد.
لە یارییەکى ترى هەمان هەفتەدا، یانەى زاخۆ لە یاریگاى زاخۆى نێودەوڵەتى،
بەرامبەر یانەى سناعە یاریکرد و یارییەکەش بە یەکسانى و بە دوو گۆڵ بۆ هەردوولا
کۆتایى هات.
بەم ئەنجامانە، نەورۆز بەکۆکردنەوەى 48 خاڵ سەرکەوتنى بۆ پلەى هەشتەمى ڕیزبەندى
خولەکە بەدەستهێنا و تەڵەبەش بە 66 خاڵ لە پلەى دووەمدایە، هاوکات زاخۆ بە 45 خاڵ
لە پلەى 10یەمدا مایەوە و سناعەش بە 36 خاڵ سەرکەوت بۆ پلەى 16یەم.
ئاسۆ ڕۆستەمى هێرشبەرى نەورۆز بە 18 گۆڵ لە پلەى دووەمى گۆڵکارانى خولى
نایابى عێراقدایە و بەجیاوازى سێ گۆڵ لە دواى مەحمود ئەلمەواسى هێرشبەرى یانەى
شوڕتەوەیە.
گ . ف