AM:12:05:17/03/2026
132 جار خوێندراوەتەوە
+
-
ئارتێتا رایگەیاند ترۆسارد ئامادەیە بۆ یارییکردن بەڵام ئۆدیگارد تاوەکوو ئێستا راهێنانی ئەنجام نەداوە.
میکێل ئارتێتا پێش ڕووبەرووبونەوەی بایەر لیڤەرکوزن باسی بارودۆخی تیپەکەی کردوو و وتی کە ئەوەی لە بەرامبەر ئیڤەرتۆن ئەنجامماندا باوەرپێنەکرابوو بەڵام ئێستا پێویستە بیر لە یاریی داهاتوو بکەینەوە.
جەختی لەوەشکردەوە چامپیۆنزلیگ جیاوازە لە پریمەرلیگ و پێویستە هەڵەی گەورە ئەنجام نەدەین ئەگەرنا باجەکەی بە قورسی دەدەین و ماڵئاوایی دەکەین.
راهێنەرەکە ئەوەی ئاشکراکرد ترۆسارد بۆ یارییکردن ئامادەیە و گەراوەتەوە بەڵام مارتن ئۆدیگارد راهێنانی ئەنجام نەداوە و بەرامبەر لیڤەرکوزن بەشداری ناکات.
ئارتێتا باسی ئاستی مادیۆکی کردوو و ئەوەی ئاشکراکرد کە یاریزانێکی گرنگی پلانەکانێتی و بەپێی کات دڵنیایە لەوەی دەتوانێت باشتریش بێت.
لە کۆتاییدا ئاماژەی بەوەکرد تاوەکوو ئێستا هیچ نازناوێکیان بەدەست نەهێناوە و پێویستە بەردەوامبن لە هەوڵدان.