AM:12:34:08/01/2026
136 جار خوێندراوەتەوە
+
-
لە خولی ئینگلتەرا مان سیتی دوو خاڵی بەرامبەر برایتۆن لەدەستدا و بۆ سێیەم یاریی لەسەر یەک یەکسانبوو و چێڵسیش بە فولهام دۆڕا.
لە یارییەکی هەفتەی 21ی خولی ئینگلتەرا، یانەی مان سیتی میوانداری برایتۆنی کرد.
تایمی یەکەم، یارییەکی بەهێز بیندرا و لە خولەکی 41 هالاند بە لێدانی سزا گۆڵی یەکەمی بە خاوەن ماڵ بەخشی، ئەو گۆڵەش بووە ناونیشانی نیوەی یەکەم.
لە تایمی دووەم، برایتۆن تۆڵەی خۆی کردەوە و لە خولەکی 60 میتۆما ئەنجامەکەی یەکسانکردەوە، تا کۆتاییش یارییەکە بە یەکسانی مایەوە.
بەم ئەنجامە سیتی بە 43 خاڵ لە پلەی دووەم مایەوە و برایتۆن پلەی دەیەمی گرتووە.
لە یارییەکی دیکەی هەمان هەفتەش چێڵسی بە گۆڵێک بەرامبەر بە دوو گۆڵ بە فولهام دۆڕا، بلوز دابەزی بۆ پلەی حەوتەم و فولهام پلەی هەشتەمە.