PM:03:18:22/02/2025
56 جار خوێندراوەتەوە
+
-
لە جامی دەوحە رۆبلێڤ بە بردنەوە لە ئەلیاسیم گەیشتە یاری کۆتایی و لێچکا
ماڵئاواییکرد.
لە قۆناغی پێش کۆتایی جامی دەوحە بۆ تێنسی سەرزەوی، ئەندریە رۆبلێڤی روسی
بەرامبەر ئۆگێر ئەلیاسیمی کەنەدی یاریکرد.
یارییەکە لە سەرەتاوە کێبڕکێیەکی بەهێزی بەخۆوە بینی و کۆمەڵەی یەکەم بە
ئەنجامی حەوت بە پێنج گێم لە سوودی رۆبلێڤ کۆتاییهات و دواتر ئەلیاسیم بە بردنەوەی
کۆمەڵەی دووەم ئەنجامەکەی یەکسانکردەوە.
لە کۆمەڵەی سێیەم و یەکلاکەرەوەدا، کێبڕکێیەکی بەهێز لەنێوان هەردوو
یاریزانەکە بینرا و بە ئەنجامی حەوت بە شەش گێم لە سوودی رۆبلێڤ کۆتاییهات و
سەرەنجام توانی دوای دوو کاتژمێر و 47 خولەک یاریەکە بە ئەنجامی دوو کۆەملە
بەرامبەر کۆمەڵەیەک بباتەوە.
لە هەمان قۆناغ، ڤێری لیچکای چیکی رووبەڕووی جاک دیبەری بەڕیتانی بووەوە و
بە ئەنجامی کۆمەڵەیەک بەرامبەر دوو کۆمەڵە یارییەکەی پێدۆڕاند.
دوای ئەو ئەنجامانە، هەریەکە لە رۆبلێڤ و جاک دیبەر سەرکەوتنیان بۆ یاری
کۆتایی پاڵەوانێتییەکە بەدەستهێنا و ئەلیاسیم و لێچکا ماڵئاواییانکرد.
خ . ک