AM:08:43:02/04/2025
356 جار خوێندراوەتەوە
+
-
ئەنچیلۆتی دوپاتیکردەوە تۆمارکردنی چوار
گۆڵ لێیان جێگای قبوڵ نییە بەڵام گەیشتن بە یاری کۆتایی گرنگ بوو.
کارلۆ ئەنچیلۆتی راهێنەری ریاڵ مەدرید
دوای یەکسانبوونیان لەگەڵ سۆسیداد و گەیشتنیان بە یاری کۆتایی رایگەیاند،
رووبەڕووبونەوەیەکی قورس بوو، یاریزانانی بەرامبەر تووشی کێشەیان کردوون.
ئەنچیلۆتی وتی، کاتمان نییە بیر لەوە
بکەینەوە کە لە یاریگادا چی رویدا و ئەوەی لەسەر ئێمە پێویست بوو کردمان، گرنگترین
شت لەو یارییەدا گەیشتنمان بوو بە یاری کۆتایی.
وتیشی، تۆمارکردنی چوار گۆڵ لێمان لە یەک
یاریدا جێگای قبوڵ نییە و پێویستە هاوسەنگی هەموو هێڵەکان بپارێزین لە یاریگادا،
لەڕووی هێرشبردنەوە باشین و بتوانین چوار گۆڵ لە سۆسیداد بکەین کارێکی ئاسان نییە.
دەشڵێت، تیپەکەم لە بارودۆخێکی زۆر
باشدایە دوای ئەنجامدانی 50 یاری لەم وەرزەدا، یاریزانە یەدەگەکان کارێکی گەورەیان
ئەنجامدا و رۆدریگۆ و بێلینگهام و ئێندریکیش نایاب بوون.
دوپاتیکردەوە کە هیچ کاتێک هەستی بەوە
نەکردووە کە لە یاریگای سانتیاگۆ بێرنابیۆ مەترسیان لەسەر بێت و لە ژێر هەڕەشەی
ماڵئاوایی کردندا بن، لە تۆمارکردنی گۆڵدا دوا دەکەون بەڵام بێهیوا نابن.
رونیشیکردەوە، ڤینیسیۆس بەهۆی ئەوەی
بەردەوام رووبەڕووی لێدان و رەخنەگرتن دەبێتەوە وای لێکردووە کە باشترین ئاستی خۆی
پێشکەش بکات لە یاریگادا.
خ . ک