AM:01:23:11/12/2024
176 جار خوێندراوەتەوە
+
-
لە چامپینز لیگ لیڤەرکوزن یەکەمین شکستی تووشی ئینتەر میلان کرد و بایرن و برێست و کلوب بروجیش بردیانەوە.
لە یارییەکانی قۆناغی یەکەمی چامپیۆنز لیگ، بایەر لیڤەرکوزن میوانداری ئینتەر میلانی کرد.
لە تایمی یەکەم، لیڤەرکوزن باشتر بینران بەڵام سەرەڕای زۆری هەوڵەکانیان گۆڵیان تۆمار نەکرد.
لە تایمی دووەم، دووبارە کوڕانی خاوەن یاریگا بە تەواوی کۆنترۆڵی یارییەکەیان کرد، چەندین هێرشی یەک لەدوای یەکیشیان برد، سەرەنجامیش توانیان لە خولەکی 90 لەڕێگای موکیلیەوە گۆڵی بردنەوە تۆماربکەن.
بەو ئەنجامەش لیڤەرکوزن خاڵەکانی بوون بە 13 خاڵ و چووە پلەی دووەمی ڕیزبەندی، ئینتەریش بە هەمان ژمارەی خاڵە لە پلەی چوارەم دێت.
لە یارییەکانی تریشدا، بایرن گۆڵبارانی شاختاری کرد و بە پێنج گۆڵ بەرامبەر بە گۆڵێک لێی بردەوە، برێستیش شکستی بە ئایندهۆڤن هێنا و سپۆرتینگیش لە ئەنجامە خراپەکەنی پاش ئەمۆریم بەردەوامە و بە کلوب برووج دۆڕا.