سەردێڕ:

لەبارەی موچەی چاودێری کۆمەڵایەتییەوە روونکردنەوە دەدرێت

PM:03:01:11/07/2021

1912 جار خوێندراوەتەوە

لیژنەی کار و کاروباری کۆمەڵایەتی لە پەرلەمانی عێراق رایگەیاند، لیژنەکەیان لە رێگەی موچەی چاودێری و پارێزگاری کۆمەڵایەتی و زیادکردنی بڕی موچەی منداڵانی بێ باوک، چارەسەری کێشەی کەمی داهات و کارکردن بە منداڵانیان کردووە.


لیژنەی کار و کاروباری کۆمەڵایەتی لە پەرلەمانی عێراق رایگەیاند، لیژنەکەیان لە رێگەی موچەی چاودێری و پارێزگاری کۆمەڵایەتی و زیادکردنی بڕی موچەی منداڵانی بێ باوک، چارەسەری کێشەی کەمی داهات و کارکردن بە منداڵانیان کردووە.

ئەمڕۆ شەممە، حسێن عەرەب ئەندامی لیژنەی کار و کاروباری کۆمەڵایەتی لە پەرلەمانی عێراق ئاماژەی بەوەدا، لیژنەکەیان دژی کارپێکردنی منداڵە، هەربۆیە لە رێگەی فێرکردن و خوێندنی ئیلزامییەوە هەوڵیان داوە ژیان و داهاتوویان بپارێزن، ئەوەشی خستەڕوو، لیژنەکەیان کێشەی داهاتی منداڵانی بێ باوکی چارەسەرکردووە و بەهۆی موچەی چاودێری کۆمەڵاتی و زیادکردنی بڕی موچەکانیان پاراستوویانن لەوەی نەگەنە هێڵی هەژاری.

حسێن عەرەب وتیشی، ئەو منداڵانەی باوکیان لە شەڕی داعشدا کوژراون موچەکانیان بۆ خۆیان و خانەوادەکانیان زیادکراوە.

ئەمە لەکاتێکدایە، بەهۆی سەختی ژیان و بەرزی نرخی پێداویستی ژیانی رۆژانەوە، ژمارەیەکی زۆر لەمنداڵ لە عێراق ناچارن کاربکەن لە پێناو دابینکردنی بژێوی ژیانی خۆیان و خێزانەکانیان. لەکاتێکدا، بەگوێرەی یاسا بەرکارەکانی عێراق منداڵی خوار تەمەن ١٥ ساڵ نابێت کاربکات چونکە لە ژیان و خوێندن بێ بەشیاندەکات.

لەگەڵ ئەوەشدا، بەشێکی ئەو خێزانانەی سودمەندی موچەی چاودێری کۆمەڵایەتین، گلەییان لە بڕی موچەکەیان هەیە و باس لەوە دەکەن بەشیان ناکات، ئەوە سەرەڕای ئەوەی لە هەرێمی کوردستاندا ماوەی چەند ساڵێکە لەگەڵ هاتنە کایەی قەیرانی دارایی و لێبڕین و نەدانی موچەی فەرمانبەران؛ موچەی چاودێری کۆمەڵایەتیش بڕاوە.







گەلەری