PM:05:52:04/02/2026
860 جار خوێندراوەتەوە
لەبارەی داخستنی نوسینگەکانی ئێن ئاڕ تی لە هەولێر و دهۆک جوڵانەوەی نەوەی نوێ دەڵێت، "ئەم کارەی پارتی نیشانەی ئەوەیە کە ئێن ئاڕ تی لەسەر رێگا راستەکەیە و بەدڵی ئەوان نییە، بەڵکو بە دڵی خەڵک و هاوڵاتیانە".
ئەمڕۆ چوارشەممە ٤ـی شوباتی ٢٠٢٦، جوڵانەوەی نەوەی نوێ لە راگەیەندراوێکدا لەبارەی داخستی نوسینگەکانی ئێن ئاڕ تی لە هەولێر و دهۆک رایگەیاند، یەکەمجار نییە کەناڵی ئێن ئاڕ تیی وەکو کەناڵی خەڵک رووبەڕووی داخستن و ئەزیەتدانی کارمەندانی دەبێتەوە، لە رابردوودا دەیانجار لەلایەن دەسەڵاتەوە داخراوە و میدیاکارانی دەستگیرکراون و تەنانەت سوتێندراویشە.
ئاماژەی بەوەشکردووە، ئەم کارەی پارتیی نیشانەی ئەوەیە کە ئێن ئاڕ تی لەسەر رێگا
راستەکەیە و بەدڵی ئەوان نییە، بەڵکو بە دڵی خەڵک و هاوڵاتیانە.
جوڵانەوەی نەوەی نوێ دەشڵێت، "دڵنیاشین ئەم هەوڵە نەزۆکانە نەک ئێن ئاڕ
تی راناگرێت بەڵکو بەهێزتر و سوورتری دەکات لەسەر پەیامەکانی و لەناو دڵی خەڵکیشدا
خۆشەویستری دەکات".
