PM:07:58:17/01/2026
1040 جار خوێندراوەتەوە
دژی تەواونەکردنی پڕۆژەی نیشتەجێبوونی فەرمانبەران لە گەرمیان گردبوونەوە و دەڵێن، بەشێکیان زیاتر لە ١٢ هەزار دۆلاریان داوە و کۆمپانیای جێبەجێکار بەڵێنی پێدابوون لە چوار ساڵدا یەکە نیشتەجێبوونەکانیان تەواو بکات بەڵام تەنها ٪٣٠ـی کارەکانی تەواوکراوە.
ئەمڕۆ شەممە ١٧ـی کانونی دووەمـی ٢٠٢٦، دژی تەواونەکردنی پڕۆژەی نیشتەجێبوونی فەرمانبەران لە گەرمیان گردبوونەوە و وتیان، چوار ساڵە چاوەڕوانن، کەچی تا ئێستا یەک خانوویان رادەست نەکراوە و هەمووی هەیکەلە.
ئاماژەیان
بەوەشکرد، "هەریەکەیان پێنج بۆ شەش قیستیان داوە، کۆمپانیاکە کاتی کوشتووە و
تازە بەتازە دەڵێن وەرن با رێککەوتن بکەین، بەڕێوەبەرانی کۆمپانیاکە داوای پارەی
دیکە دەکەن و دەیانەوێت دوو ساڵی دیکە مۆڵەتیان پێبدرێت".
پرۆژەی
نیشتەجێبوونی فەرمانبەران دروستکراوە لە کەلار، پرۆژەیەکی
وەبەرھێنانە، لە ھەزار و ٢٠٠ خانوو پێکدێت و وتەی خاوەن پشکەکان، لەو ژمارەیە
تائێستا تەنیا ٤٢ خانوویان تەواوکردووە.
