سەرجەم ئەو یاداشتنامانەی لەنێوان عێراق و تورکیادا واژۆ کران:

١- رێککەوتنی چوارچێوەی ستراتیژی نێوان حکومەتی عێراق و کۆماری تورکیا.

٢- یاداشتێکی رێککەوتنی هاوکاری لە بواری ئاودا لەنێوان هەردوو وڵاتدا.

٣- یاداشتنامەی لێکتێگەیشتنی پڕۆژەی رێگای گەشەپێدان، لەنێوان وەزارەتی گواستنەوەی عێراق و وەزارەتی گواستنەوە و ژێرخانی تورکیا.

٤- یاداشتێکی لێکتێگەیشتن بۆ پێکهێنانی لیژنەیەکی هاوبەشی ئابووری و بازرگانی، لە نێوان وەزارەتەکانی بازرگانیی عێراق و تورکیا.

٥- رێککەوتن لەسەر بەرەوپێشبردن و پاراستن و ئاڵوگۆڕی وەبەرهێنان، لە نێوان دەسەڵاتی وەبەرهێنانی نیشتمانی و وەزارەتی پیشەسازی و تەکنەلۆجیای تورکیا.

٦- یاداشتی لێکتێگەیشتنی نێوان یەکێتی ژووری بازرگانیی عێراق و ئەنجومەنی پەیوەندییە ئابوورییەکانی دەرەوەی تورکیا.

٧- یاداشتنامەی لێکتێگەیشتن بۆ هەماهەنگی تەکنیکی و زانستی و ئابووری لە بواری کۆمپانیا بچووک و مامناوەندەکان، لە نێوان وەزارەتی پیشەسازیی عێراق و وەزارەتی پیشەسازی و تەکنەلۆژیای تورکیا.

٨- یاداشتێکی لێکتێگەیشتن لە بواری مەشقی سەربازی، لە نێوان وەزارەتی بەرگریی عێراق و تورکیا.

٩- یاداشتێکی لێکتێگەیشتن لەسەر مەشق و هاوکاری لە بواری تەندروستی سەربازی، لە نێوان وەزارەتی بەرگریی عێراق و تورکیا.

١٠- یاداشتی لێکتێگەیشتن بۆ هاوکاری ستراتیژی، لە نێوان دەسەڵاتی پیشەسازیی سەربازی عێراق و سکرتاریەتی پیشەسازی بەرگریی تورکیا.

١١- یاداشتێکی لێکتێگەیشتن بۆ هاوکاری ئەمنی نێوان وەزارەتەکانی ناوخۆی عێراق و تورکیا.

١٢- یاداشتێکی لێکتێگەیشتن لە نێوان پەیمانگای خزمەتگوزاری دەرەوەی عێراق و پەیمانگای توێژینەوەی ستراتیژی تورکیا و لە نێوان وەزارەتەکانی دەرەوەی عێراق و تورکیا.

١٣- یاداشتێکی لێکتێگەیشتن بۆ هاوکاری لەبواری لاوان و وەرزش، لە نێوان وەزارەتەکانی لاوان و وەرزشی عێراق و تورکیا.

١٤- یاداشتێکی لێکتێگەیشتن بۆ هاوکاری لە بواری تەندروستی و زانستە پزیشکییەکان، لە نێوان وەزارەتی تەندروستیی عێراق و تورکیا.

١٥- پلانی گروپی کاری کشتوکاڵی بۆ ماوەی ساڵی ٢٠٢٤-٢٠٢٥، لە نێوان وەزارەتی کشتوکاڵی عێراق و تورکیا.

١٦- یاداشتی لێکتێگەیشتن لەسەر توێژینەوەی زانستی و تەکنەلۆژی، لە نێوان وەزارەتی خوێندنی باڵا و توێژینەوەی زانستی عێراق و ئەنجومەنی توێژینەوەی زانستی و تەکنەلۆژی تورکیا.

١٧- یاداشتێکی لێکتێگەیشتن بۆ هاوکاری لە بواری پەروەردە، لە نێوان وەزارەتی پەروەردەی عێراق و تورکیا.

١٨- یاداشتێکی لێکتێگەیشتن لە بواری هاوکاری گەشتیاری لە نێوان وەزارەتی رۆشنبیری و گەشتوگوزار و شوێنەواری عێراق و وەزارەتی گەشتوگوزاری تورکیا.

١٩- یاداشتنامەی لێکتێگەیشتن لە بواری کار و دەستەبەری کۆمەڵایەتی، لە نێوان وەزارەتی کار و کاروباری کۆمەڵایەتیی عێراق و تورکیا.

٢٠- یاداشتێکی لێکتێگەیشتن لە بواری کاروباری کۆمەڵایەتی و خێزانی، لە نێوان وەزارەتی کار و کاروباری کۆمەڵایەتیی عێراق و وەزارەتی خێزان و خزمەتگوزاریی تورکیا.

٢١- یاداشتی لێکتێگەیشتن سەبارەت بە بەڵگەنامە و ئەرشیفی حکومەت، لە نێوان وەزارەتی رۆشنبیریی عێراق و ئەرشیفی حکومەتی تورکیا.

٢٢- یاداشتێکی لێکتێگەیشتن لە بواری ئاسایشی بەرهەم و بەربەستە تەکنیکییەکانی بەردەم بازرگانی، لە نێوان وەزارەتی پلاندانانی عێراق و وەزارەتی بازرگانیی تورکیا.

٢٣- یاداشتێکی لێکتێگەیشتن لەسەر کاروباری ئایینی، لە نێوان دیوانی وەقفی سوننەی عێراق و سەرۆکایەتیی کاروباری ئایینی تورکیا.

٢٤- یاداشتی لێکتێگەیشتن لەسەر هاوکاری لە بواری راهێنانی دادوەری بۆ خوێندکاران و دادوەران و یاریدەدەر و داواکاری گشتی، لە نێوان پەیمانگای دادوەری عێراق و ئەکادیمیای دادپەروەریی تورکیا.

٢٥- یاداشتێکی لێکتێگەیشتن لە بواری کارەبا، لە نێوان وەزارەتی کارەبای عێراق و وەزارەتی وزە و سامانە سروشتییەکانی تورکیا.

٢٦- یاداشتێکی لێکتێگەیشتن لە بواری راگەیاندن و پەیوەندییەکان، لە نێوان دەستەی راگەیاندن و پەیوەندییەکانی عێراق و سەرۆکایەتیی پەیوەندییەکانی تورکیا.