رێبەڕی رەوتی سەدر لە توتێکدا رایگەیاند، هەڵبژاردن بابەتێکی ناوخۆییە و نابێت وڵاتانی دراوسێ "دەستوەردان" لەکاروباری ناوخۆیی عێراق.
لە تویتێکدا، لە پێگەی فەرمی خۆی لە تویتەر، موقتەدا سەدر رێبەری رەوتی سەدر رایگەیاند، "هەڵبژاردن بابەتێکی ناوخۆییە و پێویست ناکات هیچ وڵاتێکی دراوسێ دەستێوەردان لەکاروباری ناوخۆیی عێراقدا بکات".
رێبەری رەوتی
سەدر ئەوەشی خستوەتەڕوو، "وڵاتانی
دراوسێ و ئەوانی تر نابێت دەست لە کاروباری ناوخۆ وەربدەن، نەک بە ترساندن و تۆقاندن،
ئەگینا لە داهاتوودا بە هەمان شێوە مامەڵەیان لەگەڵ دەکەین''.
ئەمە لەکاتێکدایە،
لە ناوەڕاستی مانگی تەمووزی ئەمساڵدا، موقتەدا سەدر رێبەری رەوتی سەدر رایگەیاند،
کە بەشداری هەڵبژاردنەکانی ئەمساڵی عێراق ناکەن و دەست لە حکومەتی ئێستا و داهاتوو
دەکشێننەوە.
لە کۆتایی
مانگی ئابدا، بەپێی سەرچاوەیەکی نزیک لە سەدر بۆ ئێن ئاڕ تی چەند سەرکردەیەکی دیاری
عێراق و هەرێم رێککەوتوون بۆ گەڕاندنەوەی سەدر بۆ هەڵبژاردنەکان و رێککەوتنێکی سێ
خاڵیان واژۆکردووە و دواتریش، سەدر بەژداریکردنی رەوتەکەی لە
هەڵبژاردنی پێشوەختەدا بکات.
بڕیارە مانگی
تشرینی یەکەمی ئەمساڵ هەڵبژاردنی پەرلەمانی عێراق بەرێوەبچێت و پەرلەمانیش رایگەیاندووە،
کە سێ رۆژ بەر لە هەڵبژاردن خۆی هەڵدەوەشێنێتەوە، بەڵام هاوڵاتیانی عێراق گرفتیان
لەگەڵ هەڵبژاردنی ئەمساڵدا هەیە و بەشێکیان باس لەوە دەکەن، ئومێدیان بە حزبەکان نەماوە.