سەرەڕای هەڵوەشاندنەوەی گەشتی ئەو پەنابەرانەی بڕیابوو لە بەریتانیاوە بۆ رواندا بگوازرینەوە، حکومەتی رواندا راگەیاند، پابەندن بە وەرگرتنی کۆچبەرانی بەریتانی و هێشتنەوەیان لە وڵاتەکەیاندا.
يولاند ماكولو وتەبێژی حکومەتی ئەو وڵاتە بە ئاژانسی هەواڵی فرانس پرێسی راگەیاندووە، وەستاندنی گەشتەکان بێهیوامان ناکەن و رواندا بە تەواوی پابەندە بە سەرخستنی رێککەوتنەکەی لەگەڵ بەریتانیا.
ئاماژەی بەوەشداوە، ئەو دۆخەی ئێستا هەیە بەردەوام نابێت و رواندا پابەندە
بە وەرگرتنی پەنابەران و دابینکردنی سەرجەم خزمەتگوزارییەکان بۆیان.
ئەوەش لەکاتێکدایە، شەوی رابردوو دادگای باڵای بەریتانیا بڕیاری هەڵوەشاندنەوەی
ئەو گەشتەیدا کە بڕیار بوو حەوت پەنابەر بنێرێتە وڵاتی رواندا کە دوانیان کوردی هەرێمی
کوردستان بوون و چەند کوردێکی
رۆژهەڵاتی کوردستانیش لە گەشتەکەدا بوونیان هەبوو.
ئەمەش لە کاتێکدایە، هەریەکە لە بەریتانیا و رواندا رێککەوتنێکی هاوکارییان
پێکەوە واژۆکردووە، بۆ ناردنی ئەو کۆچەبرانەی دەگەنە بەریتانیا بە رێگای نایاسایی
بۆ بەڕیتانیا کە بنێردرێن بۆ وڵاتی رواندا کە وڵاتێکی کیشوەری ئەفەریقاتە.