PM:10:59:10/12/2021
988 جار خوێندراوەتەوە
+
-
مارسیلۆ ڕیاڵ مەدرید بەجێدەهێڵێت و دوو یانەی بەرازیلی لەسەر هێڵن بۆ
گواستنەوەی.
مارسیلۆی 33 ساڵ لەکۆتایی هاوینی 2022 گرێبەستەکەی لەگەڵ ڕیاڵ مەدریدی
ئیسپانی کۆتایدێت و یانەکەشی نایانەوێت گرێبەستەکەی نوێبکەنەوە.
ڕاپۆرتە ڕۆژنامەنوسیەکانی پێشتر ڕایانگەیاند کە مارسیلۆ دەىەوێت بگەڕیتەوە
بەرازیل و لە یانەیەکی تر یاریبکات تا بتوانێت لەگەڵ هەڵبژاردەی وڵاتەکەی بەشداری
مۆندالی 2022 بکات.
چەندین ڕاپۆرتی ڕۆژنامەنوسیش ئاشکرایانکرد کە مارسیلۆ دەگەڕێتەوە بۆ
فلۆمینینسی یانەی پێشووی و هەندێکیان ڕایانگەیاند کە ئەو کارە کۆتایهاتووە.
بەڵام لەلایەکی ترەوە تۆڕی ئی گۆڵی بەرازیلی ڕایگەیاند کە یانەی پاڵمێراس
لە چەند ڕۆژی داهاتوودا گرێبەستێک پێشکەشی مارسیلۆ دەکەن و دەیانەوێت لە هێڵی
ناوەڕاست پشتی پێببەستن نەک لە هێڵی بەرگریدا.
مارسیلۆ هاوینی 2006 لە فلۆمینینسیەوە پەیوەندی بە ڕیاڵ مەدریدەوە کرد
کاتێک تەمەنی 18 ساڵ بوو و تائێستاش یاری بۆ مێرینگی دەکات.