PM:08:30:10/12/2021
472 جار خوێندراوەتەوە
+
-
ناگلیسمان دوپاتیکردەوە ماینز تیپێکی بەهێزە و گنابریش ئامادەیە بۆ
یاریکردن.
جولیان ناگلیسمانی ڕاهێنەری یانەی بایرن میونشنی ئەڵمانی لە کۆنگرەی
ڕۆژنامەنوسی یاریەکەیان بەرامبەر ماینز ڕایگەیاند یانەی ماینز بەشێوەیەکی زۆرباش
پێشکەوتنیان بەخۆیانەوە بینیوە و هێڵێکی بەرگری زۆر بەهێزیان هەیە.
ناگلیسمان وتیشی: لیۆن گۆریتسکا بەهۆی پێکانەوە ناتوانێت بەشداری یاریەکە
بکات بەڵام سێرجی گنابری لەپێکانەکەی چاکبووەتەوە و ئامادەی یاریەکە دەبێت.
ئاماژەی بەوەشکرد لە ماوەی ڕابردوودا بەباشی مامەڵەیان لەگەڵ پێکان و کەمی
یاریزانەکان کردووە و دەمانەوێت لە هەموو یاریەکاندا سەرکەوتوو بین و زۆر لە
دۆرتمۆند دووربکەوینەوە لە ڕیزبەندیەکەدا.
دەربارەی لیڤاندۆڤسکیش وتی: ئەو یاریزانە بەهەمان جۆش و خرۆشەوە یاریدەکات
و هەمیشە هەوڵ دەدات باشترین ئاست پێشکەش بکات و بەردەوامە لە شکاندنی ژمارە
پێوانییەکان.