PM:04:19:10/12/2021
720 جار خوێندراوەتەوە
+
-
گواردیۆلا و ئارنۆلد بە باشترین ڕاهێنەر و یاریزانی مانگی ڕابردووی پریمەرلیگ
دیاریکران.
ڕابیتەی یانەکانی ئینگلتەرا لە ڕاگەیەندراوێکی فەرمیدا باشترینەکانی مانگی 11ی
خولی نایابی ئاشکراکرد کە تیایدا پیپ گواردیۆلای ڕاهێنەری یانەی مانچستەر سیتی وەک
باشترین ڕاهێنەر دیاریکراوە.
گوادریۆلا 10مین جارە کە دەبێتە باشترین ڕاهێنەری مانگ لە خولی نایابی
ئینگلتەرا دوای ئەوەی ڕکابەریەکەی لە یۆرگن کلۆپی ڕاهێنەری لیڤەرپوڵ و ستیڤن
جیراردی راهێنەری ئەستۆن ڤێلا بردەوە.
یانەی مانچستەر سیتی لە مانگی ڕابردوودا سێ یاری بەرامبەر یانەکانی مانچستەر
یونایتد و ئیڤەرتۆن و وێستهام ئەنجامداوە و لە سەرجەمیان براوە بوە، حەوت گۆڵی
کردوە و تەنیا یەک گۆڵی لێ تۆمارکراوە.
لەسەر ئاستی یاریزانانیش، ترێنت ئارنۆلدی بەرگریکاری لیڤەرپوڵ بە باشترین
یاریزانی مانگی نۆڤەمبەری ئەمساڵی خولی نایابی ئینگلتەرا دیاریکرا، ئەمەش دووەم
مانگە بەدوای یەکدا یاریزانێکی لیڤەرپوڵ ئەو خەلاتە بباتەوە لە کاتێکدا محەمەد
سەلا بە باشترینی مانگی 10ی هەمان خول هەڵبژێردرابوو.
دواین جار کە ئارنۆلد خەڵاتی باشترین یاریزانی مانگی پریمەرلیگی بردوەتەوە
لە کانونی یەکەمی 2019دا بوو، بۆ مانگی ڕابردووش کێبڕکێکەی لە دێگۆ جۆتا و کانسێلۆ
و بێرناردۆ سیلڤا و جۆن ماکگین و ئیمانیۆل دینیس بردەوە.
گۆڵەکەی ڕۆدری یاریزانی مانچستەر سیتی بەرامبەر ئیڤەرتۆن بە جوانترین گۆڵی
هەمان مانگ دیاریکرا.
خ . ک