PM:12:43:10/12/2021
692 جار خوێندراوەتەوە
+
-
لە تۆپی دەستی چامپیۆنز لیگ بەرشەلۆنە و پاریس سان جێرمان یەکسانبوون و
پۆرتۆش بردنەوەی بەدەستهێنا.
لە یارییەکانی هەفتەی دەیەمی تۆپی دەستی خولی یانە پاڵەوانەکانی ئەوروپا،
لە کۆمەڵەی دووەمدا یانەی پاریس سان جێرمانی فەرەنسی میوانداری یانەی بەرشەلۆنەی
ئیسپانی کرد.
هەردوو یانە بە درێژایی یاریەکە ئاستێکی بەرزیان پێشکەشکرد و سەرەنجام
یاریەکەشیان بە یەکسانی و بە 28 گۆڵ بۆ هەردوولا کۆتاییهات.
لەهەمان کۆمەڵە، یانەی پۆرتۆی پورتوگالی رووبەڕووی کێلسی پۆڵەندی بوەوە و
بەئەنجامی 29 بە 27 گۆڵ یاریەکەی لێبردەوە، دینامۆ بوخارستی ڕۆمانی و فلینسبۆرگی
ئەڵمانی بردنەوەیان بەسەر مۆتۆری ئۆکرانی و فێزیرێمی هەنگاری بەدەستهێنا.
بەم ئەنجامانە، پاریس سان جێرمان بە 12 خاڵ لە دووەمی ڕیزبەندی کۆمەڵەی
دووەم دەبینرێت، بەرشەلۆنە 12 خاڵی هەیە و لە پلەی چوارەمدایە.
خ . ک