AM:08:57:10/12/2021
928 جار خوێندراوەتەوە
+
-
تۆماس مۆلەر واز
لە بەرشەلۆنە ناهێنێت و لە تویتێکدا گاڵتە بە یانە کەتەلۆنییەکە دەکات.
یانەى بایرن
میونشن لە دوا یاری جەولەى شەشەمی قۆناغی کۆمەڵەکانی یانە پاڵەوانەکانی ئەوروپا لە
بەرشەلۆنەى بردەوە و ڕێگەى بە یانە کەتەلۆنییەکە نەدا هاوشانی خۆی بگاتە قۆناغی 16
و لەو یارییەشدا مۆلەری هێرشبەر لەکۆی سێ گۆڵی یانەکەى گۆڵێکی تۆمارکرد.
پێگەى بایرن
میونشن لە پێگەى فەرمی خۆی لە تۆڕی کۆمەڵایەتی تویتەر تایبەت بە ئەمەریکای باکوور
لە تویتێکدا ستایشی مۆلەری کرد و وێنەیەکی هێرشبەرەکەى داناوە و نوسیویەتی خاوەنی
هەشت گۆڵ لە حەوت یاری دژی بەرشەلۆنە.
مۆلەر وەک گاڵتە
کردنێک بە بەرشەلۆنە تویتی یانەکەى شەیر کردوەتەوە و نوسیویەتی هەمیشە حەزی کردووە
دژی بەرشەلۆنە یاری بکات و لە خوار تویتەکەشی وێنەیەکی خۆی بە ڕوخسارێکی
پێکەنیناوی داناوە.