PM:09:26:03/04/2026
152 جار خوێندراوەتەوە
+
-
مباپێ و ڤینیسیۆس دوو
کاریگەرترین ئەستێرەی ئێستای تۆپی پێن لە رووی مارکێتینگەوە و هالاند لێیان دورکەوتووەتەوە.
ئێرلینگ
هالاند، ئەستێرەی نەرویجی و هێرشبەری یانەی مانچستەر سیتی، لە نوێترین ڕیزبەندیدا
بۆ کاریگەرترین و بەهێزترین براندە کەسییەکان لە جیهانی تۆپی پێدا، کەوتە دوای
هەریەکە لە کیلیان مباپێ و
ڤینیسیۆس جۆنیۆر، ئەستێرەکانی یانەی ڕیاڵ مەدرید.
بەگوێرەی ڕاپۆرتێکی رۆژنامەی ئاس، ململانێی نێوان ئەم سێ ئەستێرەیە تەنها لەنێو
لاکێشە سەوزەکەدا نییە، بەڵکو پەرەی سەندووە بۆ کێبڕکێ لەسەر گرێبەستە
ریکلامییەکان، داهاتی بازرگانی و ڕێژەی کاریگەری لەسەر تۆڕە کۆمەڵایەتییەکان.
ڕاپۆرتەکە ئاماژە بەوە دەکات کە گواستنەوەی مباپێ بۆ ڕیاڵ مەدرید و درەوشانەوەی
بەردەوامی ڤینیسیۆس وەک سیمای یەکەمی یانە مەدریدییەکە، وایکردووە لە ڕووی
بازاڕکردن و بەهای براندەوە پێش هالاند بکەون.
سەرەڕای ئەوەی هالاند وەک ئامێری گۆڵ تۆمارکردن دەناسرێت و ڕکابەرێکی
سەرسەختی خەڵاتە تاکەکەسییەکانە، بەڵام پسپۆڕانی بواری مارکێتینگ پێیان وایە کە
کەشوهەوای خولی ئیسپانی و ناوبانگی جیهانی ڕیاڵ مەدرید، هۆکاری سەرەکین بۆ ئەوەی مباپێ و
ڤینیسیۆس لە پێشەنگی ئەم پێشبڕکێیە بن کە لە دەرەوەی یاریگاکاندا بەڕێوە دەچێت.
لە ئێستادا هالاند هەوڵ
دەدات لە ڕێگەی گرێبەستی نوێ لەگەڵ کۆمپانیاکانی جلوبەرگی وەرزشی و وەبەرهێنانی
جیاواز، ئەو بۆشاییە بازرگانییە پڕ بکاتەوە و بەردەوامی بە کێبڕکێکە بدات.