AM:11:35:22/02/2026
132 جار خوێندراوەتەوە
+
-
گواردیۆلا جەختیکردەوە
فشاریان لەسەر ئارسناڵ دروستکردووە و هەموو یارییەکی داهاتوو لە پریمەر لیگ وەک
یاریی کۆتایی وایە.
پیپ گواردیۆلای راهێنەری مانچستەر سیتی دوای بردنەوەیان
لە نیوکاسڵ یونایتد وتی: دەمانزانی یارییەکی زۆر پڕ لە فشار و خێرا دەبێت، نیوکاسڵ
تا کۆتایی هەوڵیان دا و ئێمەیان خستە ژێر فشارەوە، بەڵام یاریزانەکانم توانییان بە
باشی کۆنترۆڵی بارودۆخەکە بکەن.
ئەم سێ خاڵە زۆر گرنگ بوو بۆ ئەوەی لە ڕکابەرییەکەدا بمێنینەوە، فشارێکی
باشمان خستە سەر ئارسناڵ و ئێستا لە پریمەر لیگ هەموو یارییەک بۆ ئێمە وەک یاری
کۆتایی وایە.
وتیشی: نیکۆ یاریزانێکی ناوازەیە، ئەو نەک تەنها گۆڵ تۆمار دەکات، بەڵکو
تێگەیشتنێکی زۆر باشی بۆ یارییەکان هەیە، ئەو لە گەشەکردنێکی
بەردەوامدایە و سەلماندی کە دەتوانێت لە کاتە سەختەکاندا هاوکاری تیپەکە بکات.
دەشڵێت: ئەو کەشوهەوایەی هاندەران دروستیان کردبوو وزەیەکی زۆری پێداین،
بەتایبەت لە خولەکەکانی کۆتایی یارییەکەدا کە پێویستمان بە پاراستنی ئەنجامەکە بوو.