AM:11:04:11/02/2026
140 جار خوێندراوەتەوە
+
-
خیسۆس دوپاتیکردەوە بۆ یارییەکەی چامپیۆنز لیگی دووی ئاسیا پشووی بە
رۆناڵدۆ داوە و هۆکارێکی تر لەپشت یاریکردنی نییە.
خۆرخێ خیسۆسی راهێنەری پورتوگالیی یانەی نەسڕ پێش رووبەرووبوونەوەی
ئەرکەداخ لە چامپیۆنز لیگی دووی ئاسیا، ئەو دەنگۆیانەی رەتکردەوە کە باسیان لە
مانگرتنی کریستیانۆ رۆناڵدۆ دەکرد و رایگەیاند کە دوورکەوتنەوەی ئەو ئەستێرەیە لە
یاریی بەرامبەر یانە تورکمانستانییەکە تەنیا بڕیارێکی تەکنیکیی خۆی بووە نەک
مانگرتنی یاریزانەکە.
راهێنەرەکە دوپاتیکردەوە، دەیەوێت لە رێگەی پشوودان بە رۆناڵدۆ و چەند
یاریزانێکی تری سەرەکی هەموو هێز و توانای تیپەکەی بۆ یارییە گرنگەکەی بەرانبەر فەتح
لە خولی سعوودی کۆبکاتەوە.
ئەم ڕوونکردنەوەیەی ڕاهێنەر دوای ئەوە هات کە ڕۆناڵدۆ لەگەڵ شاندی
یانەکە گەشتی نەکرد و سێیەم یاریی لەسەریەکی لەدەستدا، ئەمەش وایکردبوو میدیاکان
باس لە ناڕەزایەتی ئەو یاریزانە بکەن بەرانبەر شێوازی دابەشکردنی بودجەی یانەکان و
پشتگیریکردنی زیاتری یانەی هیلال.
بەڵام ئێستا بارودۆخەکە
ئاسایی بووەتەوە و چاوەڕوان دەکرێت گۆڵکارە پورتوگالییەکە لە یاریی داهاتووی خولی
سعودیە بە فەرمی بگەڕێتەوە ناو یاریگا.