AM:12:06:08/02/2026
252 جار خوێندراوەتەوە
+
-
سلۆت دوپاتیکردەوە
ئامادەن بۆ جەنگە تەکتیکییەکەی سیتی و گواردیۆلا جەختیکردەوە کە ئەم وەرزە کێبڕکێی
پریمەر لیگ قورسە.
پێش رووبەرووبوونەوەی
یاریی لوتکەی نیوان لیڤەرپوول و مانچستەر سیتی، راهێنەری هەردوولا قسەی خۆیان کرد.
لە سەرەتادا ئارنی
سلۆتی راهێنەری رێدز وتی: بۆ من ڕووبەڕووبوونەوەی تیپەکانی گواردیۆلا گەورەترین
تاقیکردنەوەیە، چونکە ئەو باشترین ڕاهێنەری جیهانە.
وتیشی: شێوازی
یاریکردنی سیتی هەمیشە ناچارت دەکات بیر لە چارەسەری نوێ بکەیتەوە، ئێمە ئامادەین
بۆ ئەم جەنگە تەکتیکییە، بردنەوە لێیان متمانەیەکی گەورەمان پێ دەبەخشێت.
دەشڵێت: ناتوانین
بڵێین ئەم یارییە ناسنامەی پاڵەوان دیاری دەکات، چونکە هێشتا یاری زۆر ماوە، بەڵام
بێگومان ئەنجامەکەی کاریگەری گەورەی دەبێت لەسەر ڕکابەرییەکە.
لە بەرامبەردا
گواردیۆلای راهێنەری سیتی وتی: هەموو کەس دەزانێت یاریکردن لە ئەنفێڵد چەند قورسە،
ئەوە یەکێکە لە سەختترین یاریگاکان لە جیهاندا، دەبێت کۆنتڕۆڵی یارییەکە بکەین.
پیپ وتیشی: یاریزانەکانم
ڕاهاتوون لەسەر ئەم جۆرە یارییانە، چونکە جیا لە سێ خاڵ وەک یاریی کۆتایی وایە، ئەم
وەرزە کێبڕکێی پریمەر لیگ قورسە، ئەم وەرزە ئارسناڵ ئاستێکی بەرزی نیشانداوە.