PM:11:26:24/12/2025
100 جار خوێندراوەتەوە
+
-
تیباس رایگەیاند ریاڵ مەدرید رق بڵاودەکاتەوە و
هێرشدەکاتە سەر ناوبژیوان و یانەکان و هەموو کەسێک ئەگەر یارییەک نەباتەوە.
خافێر تێباس، سەرۆکی دەستەی لالیگا، لە لێدوانەکانی بۆ
رۆژنامەی سپۆرت وتی: ریال مەدرید لە رێگەی کەناڵە تەلەڤیزیۆنییەکەی و سەرۆکەکەیەوە
چیرۆکی ناڕاست و شێواو دروستدەکات و دەیبەستێتەوە بەدۆسیەی نێگرێراوە کە بەرشەلۆنە
لە نێوان 2017 و 2019 تێوەی گلاوە.
تێباس دەڵێت:
ئەوەی پشێوی دروستدەکات بەرشەلۆنە نییە، یانەکانی دیکەش نین، بەڵکو ریال مەدریدە
کە هێرشدەکاتە سەر هەمووان، ئەوان لە دژی بەرشەلۆنەن، لە دژی ناوبژیوانانن، لە دژی
هەموو شتێکن و پێموایە ئەوەش بەڕێگەیەکی نادروست و شێوێنراو دەکەن، هەروەها چیرۆکی
هەڵە بڵاو دەکەنەوە.
تیباس وتیشی: هەڵمەتەکەی ریال مەدرید، رقی بەردەوام
دروستدەکات، دەستەی لالیگا یەکەم لایەن بوو کە سکاڵای فەرمیی لەسەر دۆسێی نێگرێرا
تۆمارکرد و داوای لێکۆڵینەوەی گشتگیر و سزادانی وەرزشیی کرد، ئەگەر پێویست بکات،
لە کاتێکدا بەهۆی تێپەڕینی کاتەوە یاساکە بەسەرچووە.
دوپاتیشیکردەوە، یانە گەورەکانی وەک ریال مەدرید، لە
دەرەوەی یاریگای خۆیان رووبەڕووی سەختییەکی زۆر دەبنەوە و زۆرینەی کات یان دەدۆڕێن
یان یەکسان دەبن، کاتێکیش یارییەکان نابەنەوە، دەستبەجێ سەردەکێشێت بۆ قسەکردن
لەسەر هەبوونی نا دادپەروەری.