PM:11:02:16/11/2025
272 جار خوێندراوەتەوە
+
-
مارتینێز دووبارە پشتگری
لە رۆناڵدۆ کرد و ئامادەی تیپەکەشی بۆ مۆندیال دوپاتکردەوە.
پاش ئەوەی بەبێ ئامادەبوونی
رۆناڵدۆ هەڵبژاردەی پۆرتوگال بە نۆ گۆڵ بەرامبەر بە گۆڵێک شکستی بە ئەرمینیا هێنا
و گەیشتنی بە مۆندیال مسۆگەرکرد، رۆبێرتۆ مارتینیزی راهێنەری هەڵبژاردەکە
رایگەیاند، کریستیانۆ رۆناڵدۆ بابەتێکی گشتییە و
هەمووان قسەی لەسەر دەکەن! کاتێک یاریدەکات و گۆڵ دەکات خەڵکی دەڵێن بەبێ ئەو
پۆرتوگال هیچ نییە، کاتێک بەبی ئەو دەبەنەوە دەڵێن پۆرتوگال پێویستی بە رۆناڵدۆ
نییە.
باسی لەوەشکرد، دڵخۆشە
بەبردنەوەکەیان و یارییەکی بێ هەڵە و کەمکورتیان ئەنجامداوە، یاریزانەکانی هەستیان
بە ساردبوونەوە نەکردووە و تا کۆتا خولەک لە پێشکەشکردنی ئاستی بەرز بەردەوام
بوونە.
مارتینێز سوپاسی هاندەرانیشی
کرد کە یاریگایان پڕکردووە و رۆڵی ئەوانیشی بە گرنگ وەسفکرد.
ئاماژەی بەوەشکرد، لە ئێستادا
بەتەواوی ئامادەن بۆ مۆندیال و بە دۆخێکی باشەوە بەشداری لە پاڵەوانێتییەکە دەکەن،
هاندەرانیش هەڵبژاردەکەشی دەتوانن چێژ لە مۆندیال وەربگرن.