PM:09:48:25/10/2025
164 جار خوێندراوەتەوە
+
-
لە خولی ئینگلتەرا مان یونایتد بە بردنەوە لە برایتۆن دووەم
بردنەوەی لەسەریەکی بەدەستهێنا.
لە یارییەکی هەفتەی نۆیەمی خولی ئینگلتەرا، یانەی مانچستەر یونایتد
و برایتۆن لە یارییەکی بەهێزدا بەرامبەر یەکتر یارییان کرد.
تایمی یەکەم، شەیتانە سورەکان نایابتر دەرکەوتن و لە خولەکەکانی 24
و 34 دوو گۆڵیان لە رێگەی کونیا و کاسێمیرۆ نووسییەوە، نیوەی یەکەمیش بەم ئەنجامە
کۆتایی هات.
لە تایمی دووەمدا، بریان مبێمۆ لە خولەکی 61 گۆڵی سێیەمیشی بۆ
تیپەکەی ئەمۆریم تۆمارکرد، بەڵام یاریزانانی برایتۆن تا رادەیەک ریتمی خۆیان
وەرگرتەوە و لە خولەکەکانی 74 و 90 دوو گۆڵیان لە رێگای وێلباک و چارالامبۆس
هێنایە بەرهەم.
هەرچەندە یارییەکە نزیکبوو لە کۆتاییهاتن، بەڵام مبێمۆ دووبارە
دەرکەوتەوە و گۆڵی دووەمی خۆی و چوارەمی یانەکەی تۆمارکرد.
سەرەنجام یارییەکە بە چوار گۆڵ بەرامبەر بە دوو گۆڵ لە سودی مانچستەر یونایتد کۆتاییهات،
بەم ئەنجامە مان یوو بە 16 خاڵ چووە پلەی چوارەم و برایتۆن بە 12 خاڵ پلەی 12ی
گرتووە.