AM:10:51:11/10/2025
164 جار خوێندراوەتەوە
+
-
مباپێ تووشی پێکانبووە لە پاژنەی پێیدا و
ئەگەری زۆرە هەڵبژاردەکەی جێبهێڵێت و بگەڕێتەوە مەدرید.
شەوی رابردوو، هەڵبژاردەی فەرەنسا لە
یارییەکی پاڵاوتنی مۆندیال بە ئەنجامی سێ گۆڵی بێبەرامبەر بردنەوەی بەسەر
ئازەربایجان بەدەستهێنا و کیلیان مباپێش لەو یارییەدا گۆڵێک و ئەسیستێکی کرد.
مباپێ لە خولەکی 83ی یارییەکەدا تووشی
پێکانهات لە پاژنەی پێیدا و ئەوەش بووە هۆکاری ئەوەی کە نەتوانێت یارییەکە تەواو
بکات و بە ناچاری گۆڕانکاری پێکرا.
دوای یارییەکەش، رۆژنامەی لیکیپی فەرەنسی
بڵاویکردەوە کە دەستەی پزیشیکی هەڵبژاردەی فەرەنسا پشکنینیان بۆ ئەستێرەی
هەڵبژاردەکەیان کردووە و دەرکەوتووە کە تووشی پێکان بووە.
لیکیپ دوپاتیکردووەتەوە کە ئەگەری زۆرە
کیلیان بگەڕێتەوە مەدرید و بەشداری یاریی داهاتووی هەڵبژاردەی فەرەنسا بەرامبەر ئایسلەندا
نەکات لە پاڵاوتنەکانی مۆندیالی 2026.
رونیکردووەتەوە، لە کاتی گەڕانەوەی ئەو
یاریزانە و پەیوەندی کردنەوەی بە یانەی ریاڵ مەدریدەوە، دەستبەجێ پشکنینی نوێی بۆ
دەکرێت تا بزانن پێکانەکەی لە چ ئاستێکدایە و ماوەی دوورکەوتنەوەی چەند دەبێت.
خ . ک