PM:11:44:06/10/2025
88 جار خوێندراوەتەوە
+
-
بایرن بەشێوەیەکی جددی
هەوڵی گواستنەوەی گێهی دەدات و کێبڕکێی یانە گەورەکان دەکات.
بەپێی بڵاوکراوەیەکی
رۆژنامەنووس، فلۆریان پلێتێنبێرگی رۆژنامەنووسی سکای سپۆرت، یانەی بایرن میونشن بە
شێوەیەکی جددی هەوڵی گرێبەستکردن لەگەڵ مارک گێهی بەرگریکاری یانەی کریستاڵ پاڵاس
دەدات و ماکس ئیبەرلی بەڕێوبەری وەرزشی یانەکە زۆر سەرسامی بەرگریکارەکەیە و پێشتر
گفتوکۆی لەگەڵدا ئەنجامداوە.
رۆژنامەنووسەکە باسی
لەوەشکردووە، بایرن خواستێکی زۆری هەیە ئەستێرەکە بەبێ بەرامبەر بگوازێتەوە لە
هاوینی ساڵی 2026 بەڵام گرێبەستکردن لەگەڵیدا بەندە بە بارودۆخی کیم مین جای و
ئۆپامیکانۆی بەرگریکارانی یانەکەوە.
فلۆریان ئاماژەی
بەوەشکردووە، لە گواستنەوەی گێهی 25 ساڵان ئەرکی یانە باڤارییەکە
ئاسان نابێت چونکە جیا لە گەورەکانی پریمەر لیگ، یانەکانی، بەرشەلۆنە و ریاڵ
مەدریدش هەوڵی گرێبەستکردن لەگەڵ ئەستێرەکەی هێڵی بەرگریدا دەدەن.
مارک گێهی سەرەڕای ئەوەی
لە پێگەی بەرگری یاریدەکات بەڵام ئەم وەرزە لە حەوت یاری یانەکەی لە پریمەر لیگ
خاوەنی گۆڵێک و ئەسیستێکە و ئاستێکی زۆر بەرزی پێشکەش کردووە.