PM:10:22:27/09/2025
72 جار خوێندراوەتەوە
+
-
ئەلێگری رایگەیاند یارییەکەیان
تاقیکردنەوەیەکی گرنگە و کۆنتی پێیوایە رووبەرووبوونەوەی میلان یارییەکی گەورەیە.
پێش رووبەرووبوونەوەی نێوان ئەی سی میلان
و ناپۆلی لە سێریا ئەی، راهێنەری هەردوولا لێدوانی خۆیان خستەروو.
لە سەرەتادا ماسیمیلیانۆ ئەلێگری راهێنەری
میلان وتی: تاقیکردنەوەیەکی گرنگ دەبێت، ئێمە لە دۆخێکی باشداین، چ لە ڕووی
جەستەیی و چ لە رووی دەروونییەوە.
ئەوەی کێشەبێت لە ئێمەدا ئەوەیە لە رووی
هیرشبردنەوە زۆر رێکخراو نین، هەرچەندە زیاتر لەگەڵ یەکتربین و زیاتر کار بکەین
کەمو کوڕییەکان چارەسەر دەکەین.
دەشڵێت: پۆلیسیچ ئاستێکی زۆر باشی هەیە،
رافێل لیاو پێویستە لە کۆتاییهێنان بە هێرشەکان باشتربێت، بەڵام نکونکو ئاستێکی زۆر
بەرز پێشکەش دەکات و دڵخۆشم بە پێشکەوتنەکەی.
لە بەرامبەردا کۆنتیی راهێنەری ناپۆلی وتی: هەفتەیەکی بە بەخت نییە بۆ ناپۆلی، چەندین
کێشەمان هەیە و هەندێک یاریزان بەشدار نابن، بەڵام ئەوە تۆپی پێیە و بەم شێوەیە.
دەشڵێت: کاتێک بەرامبەر تیپەکانی وەک میلان،
ئینتەرمیلان، یان یۆڤانتۆس یاری دەکەیت، هەمیشە یارییە گەورەکانن، ئێمە باسی ئەو
یانانە دەکەین کە مێژوو و تۆمارێکی گرنگی دەستکەوتەکانیان هەیە.
ئاماژەی بەوەشکرد، ئەو یانانەی باسیکرد،
ساڵانە کێبڕکێ دەکەن بۆ ئەوەی بگەن بە لوتکە، هەموویان سەرنجیان لەسەر
نازناوەکەیە، بەڵام ئەو کەس بە پاڵێوراوی یەکەم دانانێت.