PM:09:14:22/09/2025
76 جار خوێندراوەتەوە
+
-
ئەلیگری دوپاتیکردەوە پێویستیان بە پاڵپشتی هاندەران هەیە و گەڕانەوەی
لیاویشی دیاریکراو نییە.
پێش روووبەڕووبوونەوەی لیچی لە قۆناغی 32ی جامی ئیتاڵیا، ئەلێگری
راهێنەری میلان رایگەیاند، یارییەکەیان گرنگە و دەبێت براوەبن و بگەنە قۆناغی 16، کارەکە
ئاسان نابێت بۆیان و جگە لەوەش تەنها 90 خولەکیان لە پێشە، نابێت رێگە بدەن
یارییەکە بچێتە لێدانی یەکلاکەرەوە چونکە ئەو کاتە هەموو شتێک ئەگەری روودانی
هەیە.
راهێنەرەکەی میلان پشتگیری خیمینێزی هێرشبەری یانەکەی کرد و دوپاتیکردەوە
سەرەڕای ئەوەی گۆڵی تۆمارنەکردووە بەڵام ئاستێکی بەرزی پێشکەش کردووە و دەکرێت
بەرامبەر لیچی تۆڕی گۆڵ بهەژێنێت.
هەروەها راهێنەرەکە داوای لە هاندەرانی میلان کرد پاڵپشتییەکی زۆریان
بکەن لە یارییەکاندا و، وتی: پێویستمان بە هەموو کەسێکە، دەبێت ئەوان لەم وەرزە
درێژەدا یاوەرمان بن، ئێمە و یاریزانەکان دەبێت ئاستێکی باش پێشکەش بکەین و بگەین
بە ئامانجەکانمان.
وتیشی: بەدڵنیاییەوە گەڕانەوەی لیاو بەرامبەر لیچی نابێت، رۆژانی
پێنجشەممە و هەینی هەڵسەنگاندنی بۆ دەکەین و دواتر بڕیار دەدەین کە ئایا ئامادە
دەبێت بۆ یارییەکەی بەرامبەر ناپۆلی یان نا.