PM:10:57:07/08/2025
1292 جار خوێندراوەتەوە
+
-
ئینیگۆ مارتینێز بە گرێبەستێکی بێبەرامبەر
پەیوەندی بە یانەی نەسری سعودیەوە دەکات.
بەپێی زانیارییەکانی رۆژنامەنووس فابریزیۆ
رۆمانۆ، ئینیگۆ مارتینێزی بەرگریکاری ئیسپانی و یانەی بەرشەلۆنە لەم هاوینەدا
پەیوەندی بە یانەی نەسڕی سعودییەوە دەکات.
رۆمانۆ ئاشکرایکردووە، ئینیگۆ گرێبەستەکەی
لەگەڵ بەرشەلۆنە هەڵدەوەشێنێتەوە و وەک یاریزانی ئازاد پەیوەندی بە نەسرەوە دەکات، برگەیەک لە گرێبەستەکەی هەبوو کە رێگای
بدات بە خۆرایی بروات، یاریزانەکەش ئەو برگەیەی چالاککردووە.
بەرگریکارە ئیسپانییەکە لەگەڵ نەسر بۆ
ماوەی ساڵێک و تا هاوینی 2026 گرێبەستەکەی واژۆ دەکات، بەڵام بژاردەی درێژکردنەوەی
بۆ وەرزێکی دیکە هەیە.
بە گوێرەی چەندین سەرچاوەش، بەرشەلۆنە
لەگەڵ مارتینێزی 34 ساڵ رێککەوتووە تا بەخۆرایی بروات و لە جێگای
ناوەکەی یاریزانی نوێ تۆماربکات، بۆ پێگەکەش پشت بە ئاراوخۆ دەبەستێت.