PM:11:32:03/08/2025
284 جار خوێندراوەتەوە
+
-
پەیوەندی نێوان گواردیۆلا و هاوسەرەکەی نزیکە لە کۆتاییهاتن و مان
سیتی ترسی لە ئامادەکارییەکانی وەرزی نوێ هەیە بەهۆی ئەو بابەتەوە.
بەپێی هەواڵێکیڕۆژنامەی دەیلی مەیلی بەریتانی، مان سیتی ترسی
ئەوەی هەیە جیابوونەوەی نێوان پیپ گواردیۆلا و کریستینیای هاوسەری کاریگەری نەرێنی
لەسەر ئامادەکارییەکانی تیپەکە بۆ وەرزی نوێ هەبێت.
ئێستا ئەگەری زیاتر هەیە بۆ کۆتاییهێنان بە پەیوەندی نێوان هەردوولا،
بەو پێیەی پەیوەندییەکەیان بە تەواوی تێکچووە، ئەمە وایکردووە واژۆکردنی وەرەقەی
جیابوونەوە نزیک بێت.
دەیلی مەیل ئاشکرایکردووە، پەیوەندی نێوان پیپ و کریستینیا 30 ساڵی
خایەندووە و لە ساڵی 2014 بە فەرمی هاوسەرگیریان کرد، لە مانگی کانوونی دووەمی
ساڵی ڕابردوودا ڕێککەوتن لەسەر جیابوونەوە، ئەمەش دوای ماوەیەکی کەم لە واژۆکردنی
گرێبەستێکی نوێی ڕاهێنەرەکە لەگەڵ مان سیتی.
رۆژنامەکە دەشڵێت: نوێکردنەوەی گرێبەستی پیپ لەگەڵ سیتیزن وایکردووە
پەیوەندی نێوان ئەو دوو هاوسەرە تێکبچێت، بەو پێیەی کریستینیا پێوایە گواردیۆلا
زیادەرۆیی لە گرنگیدان بە کارەکەی دەکات و خێزانەکەی پشتگوێخستووە.