PM:08:00:31/03/2025
164 جار خوێندراوەتەوە
+
-
شتیگن دوای چەند مانگ بەشداری راهێنانەکانی بەرشەلۆنەی کرد و نزیکە لە گەڕانەوە.
تێر شتگینی ئەڵمانی و گۆڵچی یانەی بەرشەلۆنە لە مانگی نۆی ساڵی رابردوو لە یاری یانەکەی بەرامبەر ڤیاڕیاڵ لە خولی ئیسپانیا توشی پێکانێکیقورسهات و دواتر نەشتەرگەری ئەنجامدا و لەو کاتەوە لە یاریکردن دوورکەوتووەتەوە.
رۆژنامەی موندۆ دیپۆرتیڤۆ بڵاویکردەوە، لە نێو راهێنانەکانی رۆژی دووشەممەی یانەی بەرشەلۆنە سوپرایزێک بینرا ئەویش گەڕانەوە و بەشداریکردنی شتیگن بووە کە سەرجەم یاریزانەکان دڵخۆش بوون.
موندۆ دەڵێت، پرۆسەی چاکبونەوەی شتیگن لەو پێکانەوە زۆر بەباشی بەڕێوەچوو و لە قۆناغی کۆتاییدایە وە توانیویەتی لە بەشێکی راهێنانەکانی یانەکەی لەسەر چیمەن ئامادەیی هەبێت.
دواتریش فابریزیۆ رۆمانۆی پەیامنێری سکای سوپۆرت ئاشكرایکرد، بە دڵنیاییەوە گۆڵچییە ئەڵمانییەکە لە کۆتایی ئەم مانگەدا دەگەڕێتەوە یاریگاکان و لە کۆتا یارییەکانی یانەکەی لەم وەرزەدا دەتوانێت بەشداری بکات.
خ . ک