PM:11:05:05/03/2025
188 جار خوێندراوەتەوە
+
-
مارێسكا پێیوایە
كۆپنهاگن یانەیەكی بەهێزە و بردنەوە لێیان قورسە، یاریكردنی پاڵمەریشی لە كۆنفرانس
لیگ راگەیاند.
پێش روبەڕوبوونەوەی
كۆپنهاگن لە كۆنفرانس لیگ، ئینزۆ مارێسكای راهێنەری چێڵسی رایگەیاند، یارییەكی قورس
و نایابیان لە پێشە چونكە كۆپنهاگن خاوەن راهێنەر و كۆمەڵێك یاریزانی بەهێزە و شێوازێكی
یاریكردنی جوانیان هەیە.
باسی لەوەشكرد،
پاڵمەریان بۆ پێكهاتەكەیان زیاد كردووە و بێگومان دەكرێت یاری پێبكات، خودی
یاریزانەكەش خۆشحاڵە بە یاریكردنی بەردەوام وتەنانەت چێژ لە راهێنانەكانیش دەبینێت.
وتیشی: ئێمە یاری بە یاری دەڕۆین و سەرنجمان لەسەر ئەوەیە کە دەتوانین چی بکەین،
ئامادەكاری تەواو بۆ ئەم یارییە دەكەین هەروەك چۆن ئامادەكاری بۆ یارییەكانی ساوسهامپتۆن
یان لیستەر و یانەكانی تر دەكەین، بەڵام ئەم یارییە 90 خولەک نییە، 180 خولەکە، بۆیە
کەمێک بە جیاوازی مامەڵەی لەگەڵ دەكەین.
جەختی لەسەر ئەوەشكردەوە، یاریكردنی كۆپنهاگنی بەدڵە و
راهێنەرێكی باشیان هەیە و تەماشای یارییەكانی یانەكەی كردووە لە چامپینز لیگ،
هەروەها گەڕانەوەی فۆفانا و باداشیلی راگەیاند.