PM:03:21:15/01/2025
4908 جار خوێندراوەتەوە
+
-
ریاڵ مەدرید تەنها لە
یەک کاتدا دەستبەرداری ڤینیسیۆس دەبێت ئەگەر خۆی داوای رۆیشتن بکات.
رۆژنامەی مارکا لە
هەواڵێکی چاوەڕوان نەکراودا باسی لە ئەگەری رۆیشتنی ڤینیسیۆس جۆنیۆری هێرشبەری
بەرازیلی کرد لە ریاڵ مەدرید و هەڵوێستی یانەکەشی بڵاوکردووەتەوە.
مارکا ئاماژەی
بەوەداوە، بەرپرسانی یانەی ریاڵ مەدرید رێگری ناکەن لە رۆیشتنی هێرشبەرە
بەرازیلیەکە لە یانەکەیان بەڵام تەنها یەک مەرجیان هەیە لەسەر ئەو بابەتە.
دوپاتیکردووەتەوە
کە مەرجەکەی یانەی شاهانە ئەوەیە هەر کاتێک ڤینیسیۆس خودی خۆی بە فەرمی داوای رۆیشتنی
لە یانەکەیان کرد ئەوا رێگری لێناکەن و رێگای دەدەن بڕوات.
رونیشیکردووەتەوە،
یانە ئیسپانیەکە دەیانەوێت گرێبەستەکەی ڤینیسیۆس نوێبکەنەوە بەڵام ئەگەر نیازی
رۆیشتنیشی هەبێت ئەوا بەرامبەر نرخێکی زۆر کە کەمتر نەبێت لە 250 ملیۆن یۆرۆ
دەستبەرداری دەبن.
دەشڵێت، یانە
ئیسپانیەکە بەهۆی بوونی هەریەکە لە کیلیان مباپێ و رۆدریگۆ لە پێکهاتەکەیدا گرنگی
بە رۆیشتنی ڤینیسیۆس نادات لە کاتێکدا ئامانجیشی ئەوەیە ئێرلینگ هالاند بگوازێتەوە
لە ساڵانی داهاتوودا.
خ . ک