PM:04:29:15/01/2025
236 جار خوێندراوەتەوە
+
-
پێرێز لە ئاستی
چوامینی رازی نییە و دەیەوێت لە کۆتایی ئەم وەرزەدا دەستبەرداری ببێت و لیڤەرپوڵیش
گرنگی پێدەدات.
پێگەی تیم تۆڵکی
بەڕیتانی ئاشکرایکرد، فلۆرینتینۆ پێرێزی سەرۆکی یانەی ریاڵ مەدرید نیگەرانە لە
ئاستی ئۆرلین چوامینی یاریزانی هێڵی ناوەڕاستی یانەکەی لەم وەرزەدا.
پێگەکە
دوپاتیکردووەتەوە کە سەرۆکی یانەی شاهانە بڕیاریداوە لە کۆتایی ئەم وەرزەدا
دەستبەرداری چوامینی ببێت چونکە بە تەواوی لێی بێهیوا بووە و یاریزانیتر بۆ
شوێنەکەی دەگوازێتەوە.
رونیشیکردووەتەوە، پێرێز
بڕیاریداوە ناوی چوامینی بکاتە لیستی ئەو یاریزانانەی کە لە هاوینی ئەمساڵدا
دەستبەرداریان دەبێت کە دوو یاریزانی تریشی تیادایە ئەوانیش فێرلاند مێندی و لوکاس
ڤاسکێزن.
راشیگەیاندووە،
یانەی لیڤەرپوڵی ئینگلیزی زیاتر لە ساڵێکە چاودێری یاریزانە فەرەنسیەکە دەکات و
دەیەوێت بیگوازێتەوە و لە ئێستاشدا بەردەوامن لە گرنگیدان بەو یاریزانە.
چوامینی لە 2022ەوە
پەیوەندیکردووە بە ریاڵ مەدریدەوە و گرێبەستەکەی لە هاوینی 2028 کۆتاییدێت، تا
ئێستاش هەشت نازناوی لەگەڵدا بەدەستهێناوە و بەشداری 112 یاری یانەکەی کردووە.
خ . ک