PM:03:27:14/01/2025
148 جار خوێندراوەتەوە
+
-
بەرشەلۆنە پێکانی
مارتینێزی راگەیاند و یەک مانگ لە یاریکردن دوور دەکەوێتەوە.
ئینیگۆ مارتینێزی
ئیسپانی و بەرگریکاری بەرشەلۆنە لە تایمی یەکەمی یاری یانەکەی بەرامبەر ریاڵ
مەدرید لە جامی سوپەری ئیسپانیا تووشی پێکانهات و بەو هۆیەش یاریگای جێهێشت.
یانەی بەرشەلۆنە لە
راگەیەندراوێکی فەرمیدا بڵاویکردەوە کە دوای ئەنجامدانی پشکنینە پزیشکییەکان
دەرکەوتووە کە مارتینێز تووشی پێکانبووە لە ماسولکەکانی ڕانی راستیدا.
یانەکە ئاماژەی
بەوەداوە کە بەهۆی ئەو پێکانەی کە تووشیبووە بەرگریکارە ئیسپانیەکەی یانەکەیان
ماوەی یەک مانگ لە یاریگاکان دووردەکەوێتەوە و بێبەش دەبێت لە یارییەکان.
رونیشیانکردووەتەوە
کە هیوادارن ئینیگیۆ بە خێرایی بگەڕێتەوە بۆ یاریکردن چونکە لەم وەرزەدا یەکێکە لە
ئەستێرەکانی یانەکەیان و سەرکردەی هێڵی بەرگریانە.
ئینیگیۆ مارتینێز
لەم وەرزەدا بەشداری لە 27 یاری بەرشەلۆنەی کردووە لەسەرجەم پاڵەوانێتییەکاندا،
دوو گۆڵی تۆمارکردووە کە لە چامپیۆنز لیگدا بووە و دوو ئەسیستی هەیە.
خ . ک