AM:01:22:15/01/2025
100 جار خوێندراوەتەوە
+
-
لە خولی ئینگلتەرا لیڤەرپول و نۆتینگهام بە گۆڵێک یەکسان بوون و مان سیتی و چێڵسیش دوو خاڵیان لەدەستدا.
لە یارییەکانی هەفتەی 21ی خولی ئینگلتەرا، نۆتینگهام فۆرێست میوانداری لیڤەرپولی کرد.
لە تایمی یەکەم، هەر لەسەرەتاوە کوڕانی خاوەن یاریگا گورزی خۆیان وەشاند و لە خولەکی هەشت لەڕێگای کریس وودەوە گۆڵی یەکەمیان تۆمارکرد، پاش ئەوەش هیچ گۆڵێکی تر لە تایمەکە نەبینرا.
لە تایمی دووەم، لیڤەرپول بە تەواوی کۆنترۆڵی یارییەکەی کرد و لە خولەکی 66یش لەڕێگای جۆتاوە گۆڵی یەکسانیان تۆمارکرد، بەڵام تا کۆتایی یارییەکە هیچ گۆڵێکی تر نەبینرا و سەرەنجامیش یارییەکە بە یەکسانی کۆتایی پێهات.
بەو ئەنجامەش لیڤەرپول خاڵەکانی بۆ 47 خاڵ بەرزکردەوە و لە پلەی یەکەم دێنت، نۆتینگهامیش 41 خاڵی هەیە لە پلەی دووەم.
لە یارییەکانی تیشدا، مان سیتی ڕیمۆنتادای بەسەردا کرا و بە دوو گۆڵ لەگەڵ برینفۆرد یەکسان بوو، چێڵسیش بە هەمان ئەنجام کۆتایی بە یارییەکەی هێنا بەرامبەر بۆرنمۆس.