PM:09:25:13/01/2025
264 جار خوێندراوەتەوە
+
-
هەردوو یانەی ڤایکانۆ و مایۆرکا لە گواستنەوەی یاریزانان
لە سێ بازاڕی داهاتوو بێبەشکران.
ماڵپەڕی فەرمی فیفا ڕایگەیاند، هەردوو یانەی ڤایکانۆ و
مایۆرکا بۆ ماوەی سێ بازاڕی گواستنەوەی داهاتوو لە گواستنەوەی یاریزانان قەدەغەکراون،
هەردوو یانەکەش سەرسوڕمان و بێ ئاگای خۆیان لەو بابەتە راگەیاند.
هەواڵەکە لە پێگەی فەرمی فیفا بڵاوکراوەتەوە، تێیدا باس لەوەکراوە
یانەی ریاڵ مایۆرکا ناتوانێت لە سێ گواستنەوەی داهاتوودا یاریزانی نوێ بگوازێتەوە،
ئەمەش هەمووانی لە ئیسپانیا تووشی سەرسوڕمان کرد.
مایۆرکا تاکە تیپ نییە کە لەم راگەیەندراوە فەرمییەی فیفادا
ناوی هاتووە، ڕایۆ ڤایکانۆ یەکێکی ترە لە یانەکانی لالیگا لەم لیستەدا هەیە، بەرپرسانی
یانە مەدریدیەکە بۆ رۆژنامەی مارکا دوپاتیانکردوەتەوە کە بە تەواوی بێ ئاگا بوون لەو
سزایە و ئەمە یەکەمجارە کە گوێیان لێ دەبێت.