PM:08:42:13/01/2025
248 جار خوێندراوەتەوە
+
-
کریستیانۆ هەمیشە گرنگی بە کاتژمێر دەدات و
نرخی کاتژمێرەکانی بە نزیکەی پێنج ملیۆن پاوەند دەخەمڵێنرێت.
کریستیانۆ رۆناڵدۆ یەکێکە لەو کەسایەتییانەی
تۆپی پێ کە چ لە دەرەوەی یاریگا و چ لەنێو یاریگا سەرنجی هەمووان رادەکێشیت، دواین
جاریش کە دووبارە هەموو چاوەکانی خستەوە سەر خۆی لە ئاهەنگی گڵۆب سۆکەر بوو کە
تێیدا بەباشترین یاریزانی رۆژهەڵاتی ناوەڕاست دیاریکرا.
کریستیانۆ لەو ئاهەنگە کاتژمێرێکی رۆلێکسی
ماتسەر ئایسی لەدەستدا بوو کە نرخەکەی بە 485 هەزار دۆلار دەخەمڵێنرێت، ئەم کاتژمێرە ئەڵماسیە لە گرانترین کاتژمێرەکانی جیهان دادەنرێت، لە زێڕی
سپی عەیار 18 دروستکراون و روپۆشەکەی ئەڵماسی عەیار 30ی تێدایە.
ڕۆناڵدۆ بەوە ناسراوە خاوەنی شتی گرانبەهایە، کە کۆمەڵێک ئۆتۆمبێلی لوکس و
تەنانەت فڕۆکەیەکی جێتی تایبەتیش لەخۆدەگرێت، ئەمە جگە لە کۆمەڵێک ئیکسسواراتی گرانبەها
و لەنێویاندا چەندین کاتژمێر.
ڕۆژنامەی زە سەنی بەریتانی ئاماژەی بەوە کردووە، ڕۆناڵدۆ خاوەنی کاتژمێرێکە
بە بەهای یەک ملیۆن و 600 هەزار پاوەند، کە لە مارکەی فرانک مۆلەرە، هەروەها لە
مانگی حوزەیرانی 2023 کاتژمێرێکی بە بەهای 92 هەزار پاوەند لە کۆمپانیای جاکۆب ئەند
کۆب وەرگرتووە، هەر لەو مانگەدا کریستیانۆ ڕۆناڵدۆ کاتژمێرێکی بە بەهای 750 هەزار
پاوەند کڕی.
وە میدیاکان باس لەوەدەکەن کۆی بەهای ئەو کاتژمێرانەی کە ئەفسانە پورتوگالییەکە
خاوەندارێتی دەکات بە پێنج ملیۆن پاوەند مەزەندە دەکرێت.