PM:06:42:30/12/2024
216 جار خوێندراوەتەوە
+
-
ریاڵ سۆسیداد گرێبەستی 13یاریزانی یەک لە دواییەک نوێکردەوە بەڵام ناوی زوبیمێندی نەهێناوە.
یانەی ریاڵ سۆسیدادی ئیسپانی لە پێگەی فەرمی خۆی رووداوێکی سەیر و دەگمەنی بڵاوکردەوە، ئەویش راگەیاندنی نوێکردنەوەی گرێبەستی 13یاریزان بوو بە شێوەی یەک لەدواییەک.
یانە ئیسپانییەکە لە سەرەتادا نوێکردنەوەی گرێبەستی بارینی و شێرلادۆ باکێری تا 2030 راگەیاند، لەدوای ئەوانیش نوێکردنەوەی گرێبەستی تاکیفوسا کوبۆ تا 2027 و جۆن ئارامبورویان تا 2029 بڵاوکردەوە.
یانە ئیسپانییەکە بەوەشەوە نەوەستا و تەنیا لە ماوەی یەک کاتژمێردا نوێکردنەوەی گرێبەستی خاڤی لوپێز، سێرجیۆ گۆمێز، لوکا سوکیچ، نایف ئاگوێرد، ئۆری ئۆسکارسۆن، رافا مارتن، بێنات توریێنتێس، جۆن مارتن و جۆن پاچیکۆی راگەیاند کە بە هەموویانەوە دەکاتە 13یاریزان.
ئەوەی جێگای گومانە ریاڵ سۆسیدا نوێکردنەوەی گرێبەستی زوبیمێندی ناوەڕاستکاری یانەکەی رانەگەیاندووە، ئەمەش دەنگۆکانی رۆیشتنی ئەویاریزانە بۆ یەکێک لە یانەکانی مانچستەر سیتی یان ریاڵ مەدرید زیاتر دەکات.
بیلال کاکە