PM:12:35:27/12/2024
176 جار خوێندراوەتەوە
+
-
نرخی میسی دابەزینی
زۆری بەخۆوە بینیوە و لە ئێستادا نرخەکەی تەنها 20 ملیۆن یۆرۆیە.
لیۆنێل میسی
ئەرجەنتینی و یاریزانی یانەی ئینتەر میامی لە ئێستادا بەهۆی زۆری تەمەنی و
دوورکەوتنەوە لە خولەکانی ئەوروپا نرخەکەی دابەزینی زۆری بەخۆوە بینیوە.
پێگەی ترانسفێر
مارکێتی نوێترین ریزبەندی یاریزانانی جیهانی بڵاوکردەوە و دەرکەوتووە کە نرخی
ئەستێرە ئەرجەنتینیەکە لە ئێستای بازاڕی گواستنەوەی یاریزاناندا تەنها 20 ملیۆن
یۆرۆیە.
میسی لە ساڵی
2018دا ئەو کاتەی یاریزانی یانەی بەرشەلۆنەی ئیسپانی بووە زۆرترین نرخی هەبووە کە
180 ملیۆن یۆرۆ بووە و لەو کاتەشدا گرانترینی جیهان بووە.
بەڵام لە ئێستادا
بەهۆی چوون بۆ خولی ئەمریکا و زۆربوونی تەمەنی و دابەزینی ئاستی لەچاو رابردوودا نرخەکەی
دابەزینی زۆری بەخۆوە بینیوە و چاوەڕێش دەکرێت لە کۆتایی ئەم وەرزەدا زیاتر
دابەزێت.
ئەستێرە
ئەرجەنتینیەکە لە ئێستادا هیچ یارییەک ئەنجامنادات بەهۆی تەواوبوونی وەرزی خولی
ئەمریکا و تا مانگی دووی داهاتووش دەستپێناکاتەوە، جگە لەوەش لەگەڵ هەڵبژاردەی ئەرجەنتینیش
تا مانگی ئازار یارییان نییە.
خ . ک