PM:09:41:27/12/2024
300 جار خوێندراوەتەوە
+
-
ڤینیسیۆس رایگەیاند سەختی زۆری چەشتووە تا
گەیشتووە بە ئاستی ئێستای و شانازی دەکات لە ئاهەنگێکدابێت نەیمار و رۆناڵدۆ
لەخۆبگرێت.
ڤینیسیۆس جونیۆری بەڕازیلی یاریزانی ریاڵ
مەدرید دوای بردنەوەی خەڵاتی گلۆب سۆکەر وەک باشترین یاریزانی جیهان و باشترین
هێرشبەر بۆ ساڵی 2024 رایگەیاند، زۆر دڵخۆشە بە وەرگرتنی ئەو خەڵاتە شانبەشانی
گەورەکانی ئەوروپا.
دوپاتیشیکردەوە، تا گەیشتووەتە ئەو قۆناغە کارێکی
زۆری کردووە و سەختی زۆری چەشتووە، لەگەڵ ئەوەشدا سوپاسی هەموو ئەوانە دەکات کە پشگیری
بوون و لە تەنیشتییەوە بوون.
ڤینیسیۆس وتیشی: من نوێنەرایەتی زۆرێک لەو
منداڵانە دەکەم کە لە شەقامەکاندا یاری دەکەن و گەورە بوون، ئەوەش زۆر یارمەتیدەر
بوو بۆ ئەوەی لەم ساتەدا بگەمە ئەم قۆناغە.
جەختیشیکردەوە: شانازی دەکات کە لە
ئاهەنگێکدا بوونی هەبێت نەیمار و کریستیانۆ رۆناڵدۆی تێدابێت، هەروەها ئەگەر
رۆناڵدۆ پێی بڵێت باشترینە ئەوا خۆی بە باشترین دەزنێت.
بیلال کاکە