PM:05:33:25/12/2024
164 جار خوێندراوەتەوە
+
-
ئەمۆریم
دوپاتیکردەوە رۆژانە قسە لەگەڵ راشفۆرد دەکات و بارودۆخی ئێستای یانەکەش قبوڵ
نەکراوە.
رۆبن ئەمۆریمی
راهێنەری مانچستەر یونایتد پێش یارییەکەی ولڤەرهامپتۆن رایگەیاند، رۆژانە گفتوگۆ
لەگەڵ راشفۆرد دەکات نەک لەسەر یاری نەکردنی بەڵکو لەسەر باشترکردنی ئاستی، بارودۆخی
باشە و پێویستە بگەڕێتەوە سەر ئاستە بەرزەکەی بەڵام ئەو بڕیار دەدات کە کەی
یاریدەکات.
ئەمۆریم دەڵێت،
ولڤەرهامپتۆن خاوەنی راهێنەرێکی زیرەکە کە لە خولی پورتوگال ناسیومە و کاری گەورەی
بۆ یانەی پۆرتۆ کردووە، زۆر بە باشی یانە گەورەکان دەناسێت و دەزانێت ئێمەش لە کێشەداین.
دەشڵێت، بەهۆی
ئەوەی چەند یاریزانێکم تووشی پێکانبوون سیستەمی نۆرە بەکاردەهێنم لە یارییەکاندا، دی
لێخت نەخۆشە و ماینۆ دوای ماوەیەکی زۆر دابڕان گەڕاوەتەوە یاریکردن.
ئەمۆریم
دوپاتیکردەوە، دەبێت چارەسەری کێشەکان بکەن و تەنها دەیەوێت یارییەکان بباتەوە چونکە
پرۆژەیەکی درێژخایەنی لەبەردەستدایە و پێویستە زۆرترین خاڵ بەدەستبهێنن.
ئاماژەی بەوەشدا،
لە نیگەرانی هاندەران تێدەگات و هەستی ئەوان دەخوێنێتەوە و مافی خۆشیانە کە
کاردانەوەیان هەبێت، هەوڵدەدات شێوازی یاریکردنی خۆی جیبەجێ بکات و دەبێت ئەم
یارییە ببەنەوە چونکە بوونی مانچستەر یونایتد لە پلەی 13ی پریمەر لیگ قبوڵ نەکراوە
و پێویستە رابردوو لەبیر بکەن و بیر لە داهاتوو بکەنەوە.
خ . ک