PM:03:25:25/12/2024
100 جار خوێندراوەتەوە
+
-
بەرپرسانی مان
یونایتد فشارەکانیان زیاتر کردووە لە پێناو گواستنەوەی ئۆسیمین لە مانگی
داهاتوودا.
ڤیکتۆر ئۆسیمینی نەیجیری
و یاریزانی یانەی ناپۆلی لە هاوینی ئەمساڵدا بە شێوازی خواستنی یەک ساڵ پەیوەندی
بە یانەی گەلەتەسەرای تورکییەوە کرد و لە ئێستاش بووەتە ئامانجی چەند یانەیەکی تر.
پێگەی تی بی ئاڕی
بەڕیتانی بڵاویکردووەتەوە، بەرپرسانی یانەی مانچستەر یونایتدی ئینگلیزی
هەوڵەکانیان دەستپێکردووە بەمەبەستی گواستنەوەی ئۆسیمین بۆ ریزەکانی یانەکەیان.
پێگەکە
ئاشكرایکردووە، رۆبن ئەمۆریمی راهێنەری شەئیتانە سوورەکان داوای کردووە فشارەکان
زیاتر بکرێن لە پێناو پەلکێشکردنی ئەو یاریزانە تا بیکەنە هێرشبەری سەرەکی
یانەکەیان لە شوێنی مارکۆس راشفۆرد کە بە ئەگەری زۆرەوە لە دەرەوەی پلانەکانیەتی.
نوسیویشیەتی، یانەی
ناپۆلی لاری نابێت لە دەستبەرداربوون لە ئۆسیمین بۆ مانچستەر یونایتد و ئامادەیە
گۆڕینەوەی پێبکات بە یەکێک لە مارکۆس راشفۆرد یان هۆیلاند یان زێرکزی.
دوپاتیکردووەتەوە
کە بە ئەگەری زۆرەوە مان یونایتدیش بەو داوایە رازیدەبێت چونکە توانای ئەوەی نییە
60 ملیۆن یۆرۆ لە گواستنەوەی یاریزاناندا خەرجبکات لە کاتێکدا نرخی ئەو یاریزانە
90 ملیۆن یۆرۆیە.
خ . ک